പ്ലസ് വൺ വിദ്യാർഥിനിയെ പീഡിപ്പിച്ച കേസ്; രണ്ട് പ്രതികൾ കൂടി അറസ്റ്റിൽ
Feb 13, 2024, 06:18 IST
![പ്ലസ് വൺ വിദ്യാർഥിനിയെ പീഡിപ്പിച്ച കേസ്; രണ്ട് പ്രതികൾ കൂടി അറസ്റ്റിൽ](https://timeskerala.com/static/c1e/client/91214/uploaded/d8afca453c97c83f2e4f98ace51b15d7.jpg)
പത്തനംതിട്ട: പ്ലസ് വൺ വിദ്യാർഥിനിയെ പീഡിപ്പിച്ച കേസിൽ രണ്ട് പ്രതികൾ കൂടി അറസ്സിൽ. സീതത്തോട് സ്വദേശികളായ അഖിൽ, രാഹുൽ എന്നിവരെയാണ് അറസ്റ്റ് ചെയ്തത്. ഇതോടെ കേസിൽ 12പേർ പിടിയിലായി.
നേരത്തെ കേസിൽ ഡിവൈഎഫ്ഐ പെരുനാട് മേഖലാ പ്രസിഡന്റ് ജോയൽ തോമസിനെ അറസ്റ്റ് ചെയ്തിരുന്നു. കേസിൽ പ്രായപൂർത്തിയാകാത്തവരും പ്രതികളാണ്. സ്കൂളിൽ പോകാൻ മടി കാണിച്ചതിനെ തുടർന്നു പെൺകുട്ടിയെ കൗൺസിലിംഗിനു വിധേയമാക്കിയപ്പോഴാണ് പീഡനം വിവരം പുറത്തറിഞ്ഞത്. 2022 മുതൽ കേസിനാസ്പദമായ സംഭവങ്ങൾ നടക്കുന്നുണ്ടെന്നു പോലീസ് പറഞ്ഞു. ചൈൽഡ് വെൽഫെയർ കമ്മിറ്റിയിൽ നിന്നുള്ള വിവരത്തിന്റെ അടിസ്ഥാനത്തിലാണ് പോലീസ് കേസെടുത്തു അന്വേഷണം ആരംഭിച്ചത്.
![](https://timeskerala.com/static/c1e/static/themes/16/91214/3752/images/New-Creative-.png)