പ്ലസ് വൺ വിദ്യാർഥി കുഴഞ്ഞുവീണു മരിച്ചു
Feb 11, 2024, 17:14 IST
![പ്ലസ് വൺ വിദ്യാർഥി കുഴഞ്ഞുവീണു മരിച്ചു](https://timeskerala.com/static/c1e/client/91214/uploaded/d3c24dc618adce2bc4a97c5f4605cff0.webp)
കാഞ്ഞിരപ്പള്ളി: കുർബാനയ്ക്കിടെ പ്ലസ് വൺ വിദ്യാർഥി പള്ളിയിൽ കുഴഞ്ഞുവീണു മരിച്ചു. ആനക്കല്ല് നെല്ലിക്കുന്നേൽ അഡ്വ. പോൾ ജോസഫിന്റെ മകൻ മിലൻ പോൾ (16) ആണ് മരിച്ചത്. കാഞ്ഞിരപ്പള്ളി സെന്റ് ആന്റണീസ് പബ്ലിക് സ്കൂളിലെ വിദ്യാർഥിയാണ് മരിച്ച മിലൻ.
ഞായറാഴ്ച രാവിലെ ഏഴിന് ആനക്കല്ല് സെന്റ് ആന്റണീസ് ദേവാലയത്തിലായിരുന്നു സംഭവം. കുർബാനയ്ക്കിടെ മിലൻ കുഴഞ്ഞു വീഴുകയായിരുന്നു. ഉടൻതന്നെ സമീപത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റ്മോർട്ടം നടപടികൾക്കു ശേഷം മൃതദേഹം ബന്ധുക്കൾക്കു വിട്ടുനൽകും.
![](https://timeskerala.com/static/c1e/static/themes/16/91214/3752/images/New-Creative-.png)