സിദ്ധാർത്ഥിന്റെ മരണത്തിൽ സിബിഐ അന്വേഷണം താമസിക്കുന്നതിനെതിരെ ഹൈക്കോടതിയിൽ ഹർജി
Apr 4, 2024, 16:15 IST
സിദ്ധാർത്ഥിന്റെ മരണത്തിൽ സിബിഐ അന്വേഷണം താമസിക്കുന്നതിനെതിരെ ഹൈക്കോടതിയിൽ ഹർജി. സിബിഐയ്‌ക്ക് അന്വേഷണം ഏറ്റെടുക്കാൻ ഉടൻ നിർദേശം നൽകണമെന്നാവശ്യപ്പെട്ടാണ് സിദ്ധാർത്ഥിന്റെ അച്ഛൻ ജയപ്രകാശ് ഹൈക്കോടതിയിൽ ഹർജി നൽകിയിരിക്കുന്നത്. കേസിലെ എതിർകക്ഷികൾ, കേന്ദ്ര-സംസ്ഥാന സർക്കാരുകളും,സി.ബി.ഐയുമാണ്. സർക്കാരിന്റെ ഭാഗത്ത് നിന്നും സിബിഐ അന്വേഷണം അട്ടിമറിക്കാനായി ബോധപൂർവ്വം ശ്രമമുണ്ടെന്നും അദ്ദേഹം ഹർജിയിൽ വാദിച്ചു. നാളെ അടിയന്തിരമായി ഹർജി ഹൈക്കോടതി പരിഗണിക്കും.