സ്ലാബിനിടയില്‍ യാത്രക്കാരിയുടെ കാല്‍ കുടുങ്ങിയ സംഭവം; ഹൈക്കോടതി വിശദീകരണം തേടി
Jun 9, 2024, 08:08 IST
കൊച്ചി: ഓടയുടെ സ്ലാബിനിടയില്‍ യാത്രക്കാരിയുടെ കാല്‍ കുടുങ്ങിയ സംഭവത്തില്‍ ഹൈക്കോടതി സര്‍ക്കാരിനോട് വിശദീകരണം തേടി. മാധ്യമ വാര്‍ത്തയെ തുടര്‍ന്നാണ് വിഷയത്തില്‍ ഹൈക്കോടതി ഇടപെട്ടത്. ജസ്റ്റീസ് ദേവന്‍ രാമചന്ദ്രനാണ് അമിക്കസ് ക്യൂറി വഴി വിശദീകരണം ആവശ്യപ്പെട്ടത്. ശനിയാഴ്ച രാവിലെയായിരുന്നു സംഭവം നടന്നത്. പാലാരിവട്ടത്താണ് കാല്‍നട യാത്രക്കാരിയുടെ കാല്‍ സ്ലാബിനിടയില്‍ കുടുങ്ങിയത്. നടന്നുപോകുന്നതിനിടെ ഇവരുടെ കാല്‍ സ്ലാബിനിടയിലേക്ക് പോകുകയായിരുന്നു. തുടര്‍ന്ന് നാട്ടുകാര്‍ ചേര്‍ന്ന് ഏറെ നേരത്തെ ശ്രമത്തിനനൊടുവിലാണ് കാല്‍ പുറത്തെടുത്തത്.