ജില്ലയിൽ സമാന്തര മദ്യവിൽപന വ്യാപകം
May 2, 2024, 20:50 IST
കാഞ്ഞങ്ങാട്: ജില്ലയിൽ സമാന്തര വിദേശ മദ്യവിൽപന വ്യാപകമായി. കർണാടകയിൽനിന്നും എത്തിച്ചും ബിവറേജുകളിൽനിന്നുമടക്കം വാങ്ങി ഇരട്ടി വിലക്ക് വിൽപന നടക്കുകയാണ്. . ഒറ്റപ്പെട്ട നിലയിൽ വിൽപന സംഘത്തെ പൊലീസ് പിടികൂടുന്നുണ്ട്. നഗരങ്ങളിലും മലയോര മേഖലകളിലും വ്യാപകമായി വിൽപന നടക്കുന്നു. പാണത്തൂർ വഴിയടക്കം കർണാടകയിൽനിന്ന് വാഹനങ്ങളിലാണ് മദ്യമെത്തുന്നത്. വെള്ളരിക്കുണ്ട്, ചിറ്റാരിക്കാൽ, രാജപുരം പൊലീസ് അടുത്തിടെ നിരവധി കേസുകൾ പിടികൂടിയിരുന്നു. ചെമ്മട്ടം വയൽ, തോയമ്മൽ ഭാഗത്ത് അനധികൃത മദ്യ വിൽപന വ്യാപകമെന്ന് പരാതിയുണ്ട്.