സംസ്ഥാനത്ത് ഇന്ന് രണ്ട് ജില്ലകളിൽ ഓറഞ്ച് അലർട്ട്: പരക്കെ മഴയ്ക്ക് സാധ്യത
Jun 11, 2024, 10:15 IST
തിരുവനന്തപുരം: ഇന്ന് സംസ്ഥാനത്ത് പരക്കെ മഴയ്ക്ക് സാധ്യതയെന്നറിയിച്ച് കേന്ദ്ര കാലാവസ്ഥാ വകുപ്പ്. ഇന്ന് ഓറഞ്ച് അലർട്ട് പ്രഖ്യാപിച്ചിട്ടുള്ളത് രണ്ട് ജില്ലകളിലാണ്. ഇത് കണ്ണൂർ കാസർഗോഡ് ജില്ലകളിലാണ്. യെല്ലോ അലർട്ട് പ്രഖ്യാപിച്ചിരിക്കുന്നത് ആലപ്പുഴ, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ്. കേന്ദ്ര കാലാവസ്ഥാ വകുപ്പ് അറിയിച്ചത് ശക്തമായ മഴയ്ക്ക് ചിലയിടങ്ങളിൽ സാധ്യതയുണ്ടെന്നാണ്. മഴയോടൊപ്പം ശക്തമായ കാറ്റിനും ഇടിക്കും സാധ്യതയുണ്ട്. ഉയർന്ന തിരമാലകൾക്ക് കേരളാ തീരത്ത് സാധ്യതയുള്ളതിനാൽ മത്സ്യബന്ധനത്തിന് വിലക്കുണ്ട്.