തിരുവനന്തപുരം: വഖഫ് ബോർഡുമായി ബന്ധപ്പെട്ട് സംസ്ഥാനത്ത് ഉയർന്നിരിക്കുന്നത് അതീവ ഗുരുതരമായ വിഷയമാണെന്ന് പ്രതിപക്ഷ നേതാവ് പിണറായി വിജയൻ. വഖഫ് ബോർഡിന്റെ പ്രവർത്തനങ്ങളെയാകെ പൂർണ്ണമായി സ്തംഭിപ്പിക്കാൻ ഉതകുന്ന നിലപാടാണ് യു.ഡി.എഫ് സർക്കാർ സ്വീകരിച്ചിരിക്കുന്നതെന്ന് അദ്ദേഹം വാർത്താസമ്മേളനത്തിൽ കുറ്റപ്പെടുത്തി.(Opposition Leader Pinarayi Vijayan Slams Government Over Waqf Board High Court Verdict)
വിഷയവുമായി ബന്ധപ്പെട്ട് ഹൈക്കോടതിയിൽ വന്ന കേസിൽ ഹർജിക്കാർക്കൊപ്പം ചേർന്ന് ഒത്തുകളിക്കുന്ന സമീപനമാണ് സർക്കാർ സ്വീകരിച്ചത്. ഇതിന്റെ ഭാഗമായി ഹൈക്കോടതിയിൽ നിന്നുണ്ടായ ഇടക്കാല വിധി വലിയ തോതിൽ ഞെട്ടിക്കുന്നതാണെന്നും പ്രതിപക്ഷ നേതാവ് പറഞ്ഞു.
വഖഫ് ബോർഡ് മാനേജ്മെന്റിൽ അമുസ്ലീങ്ങളെ ഉൾപ്പെടുത്താനുള്ള നീക്കങ്ങൾക്കെതിരെ അദ്ദേഹം കടുത്ത വിമർശനമുയർത്തി. വഖഫ് ബോർഡിൽ അമുസ്ലീങ്ങളെ തിരുകിക്കയറ്റാനുള്ള ശ്രമം സംഘപരിവാർ അജണ്ടയുടെ ഭാഗമാണെന്നും ഇതിനെ ശക്തമായി എതിർക്കണമെന്നും പിണറായി വിജയൻ പറഞ്ഞു.
സർക്കാരിന്റെ ഈ നിലപാട് മതനിരപേക്ഷമായ സമീപനത്തിന് ഒട്ടും നിരക്കാത്തതാണെന്നും പ്രതിപക്ഷ നേതാവ് കൂട്ടിച്ചേർത്തു. വഖഫ് ബോർഡിന്റെ പ്രവർത്തനങ്ങൾക്ക് താൽക്കാലികമായി കോടതി നിയന്ത്രണം ഏർപ്പെടുത്തിയിരുന്നു. ഇതിനെതിരെ സംസ്ഥാന വഖഫ് ബോർഡ് സുപ്രീംകോടതിയെ സമീപിക്കുകയും ചെയ്തിരുന്നു.
Story Summary
Leader of the Opposition Pinarayi Vijayan criticized the UDF government over the ongoing Waqf Board dispute, alleging that the government colluded with petitioners in a High Court case. Terming the High Court’s interim verdict shocking, the opposition leader accused the state government of deliberately attempting to paralyze the functioning of the Waqf Board.
