ഓൺലൈൻ തട്ടിപ്പ് തുടരുന്നു; 1.72 ലക്ഷം കൂടി നഷ്ടമായി
![ഓൺലൈൻ തട്ടിപ്പ് തുടരുന്നു; 1.72 ലക്ഷം കൂടി നഷ്ടമായി](https://timeskerala.com/static/c1e/client/91214/uploaded/3d3be7ee356669ce4f5f80ec9fabe85f.gif)
കണ്ണൂർ: ടെലഗ്രാമിൽ പാർട്ട് ടൈം ജോലി ചെയ്ത് പണം സമ്പാദിക്കുന്നതിനായി പണം നിക്ഷേപിച്ചയാൾക്ക് 1.72 ലക്ഷം രൂപ നഷ്ടപ്പെട്ടു. വിവിധ ടാസ്കുകൾ ചെയ്യുന്നതിനായി പണം നിക്ഷേപിക്കുകയും ഈ പണത്തിനനുസരിച്ച് കൂടുതൽ ലാഭം നൽകാമെന്ന് പറഞ്ഞു വിശ്വസിപ്പിച്ച് ലാഭമോ അടച്ച പണമോ നൽകാതെ ചതിക്കുകയുമായിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
ഓൺലൈൻ ടാസ്ക്, പാർട്ട് ടൈം ജോലിയുമായി ബന്ധപ്പെട്ട് കഴിഞ്ഞദിവസം റിപ്പോർട്ട് ചെയ്ത കേസുകളിൽ 66.72 ലക്ഷം രൂപ നഷ്ടമായിരുന്നു.മറ്റൊരു പരാതിയിൽ ഫേസ്ബുക്കിൽ ഹൗസ്ഹോൾഡ് ഐറ്റംസ് വാങ്ങുന്നതിനുള്ള പരസ്യം കണ്ടു സാധനം വാങ്ങുന്നതിനായി പണമയക്കാൻ നൽകിയ ലിങ്കിൽ അക്കൗണ്ട് വിവരങ്ങൾ നൽകിയ പരാതിക്കാരന് 35,000 രൂപ നഷ്ടമായി. പരാതിക്കാരനെ ക്രെഡിറ്റ് കാർഡ് എക്സിക്യൂട്ടിവ് എന്നു പറഞ്ഞു വിളിക്കുകയും കാർഡിന്റെ പരിധി കൂട്ടിത്തരാമെന്ന് പറഞ്ഞ് ഒ.ടി.പി അടക്കമുള്ള വിവരങ്ങൾ കൈക്കലാക്കിയാണ് പണം തട്ടിയത്.