കാർ ബൈക്കിലിടിച്ച് ഒരാൾ മരിച്ചു
Jun 10, 2024, 06:46 IST
കൊച്ചി : വരാപ്പുഴ പാലത്തിൽ കാർ ബൈക്കിലിടിച്ചുണ്ടായ അപകടത്തിൽ ബൈക്ക് യാത്രികന് ദാരുണാന്ത്യം. എറണാകളം ഇടപ്പള്ളി സ്വദേശി മതിലകത്ത് വീട്ടിൽ നവാസ് ഖാദർ (49) ആണ് മരിച്ചത്. ഞായറാഴ്ച രാവിലെ ആറിന് ദേശീയപാത 66ലായിരുന്നു അപകടം സംഭവിച്ചത്. ദേശീയ പാതയിൽ ഇടപ്പള്ളിയിൽനിന്ന് വരാപ്പുഴ ഭാഗത്തേക്ക് വരുന്നതിനിടെ നിയന്ത്രണംവിട്ട കാർ നവാസിന്‍റെ ബൈക്കിലിടിക്കുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോലീസ് മേൽ നടപടികൾ സ്വീകരിച്ചു.