സംസ്ഥാനത്ത് 48 പേര്ക്ക് കൂടി ഒമിക്രോൺ; ആകെ 528 രോഗികൾ
Jan 15, 2022, 13:20 IST
തിരുവനന്തപുരം: സംസ്ഥാനത്ത് 48 പേര്ക്ക് കൂടി ഒമിക്രോണ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. കോഴിക്കോട് 12, എറണാകുളം 9, തൃശൂര് 7, തിരുവനന്തപുരം 6, കോട്ടയം 4, മലപ്പുറം 2, കൊല്ലം, ഇടുക്കി, ആലപ്പുഴ, പാലക്കാട്, വയനാട് ഒന്ന് വീതം എന്നിങ്ങനെയാണ് ഒമിക്രോണ് സ്ഥിരീകരിച്ചത്. ഇതുകൂടാതെ യുഎഇയില് നിന്നും വന്ന 3 തമിഴ്നാട് സ്വദേശികള്ക്കും ഒമിക്രോണ് ബാധിച്ചു.ഇതോടെ സംസ്ഥാനത്ത് ആകെ 528 പേര്ക്കാണ് ഒമിക്രോണ് സ്ഥിരീകരിച്ചത്. ലോ റിസ്ക് രാജ്യങ്ങളില് നിന്നും 365 പേരും ഹൈ റിസ്ക് രാജ്യങ്ങളില് നിന്നും ആകെ 92 പേരും എത്തിയിട്ടുണ്ട്. 61 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. മറ്റ് സംസ്ഥാനങ്ങളില് നിന്നും വന്ന 10 പേരാണുള്ളത്.