ഭരണഭാഷ -മലയാള ഭാഷ അവലോകന യോഗം ചേർന്നു
May 16, 2024, 10:46 IST
![മലയാളം](https://timeskerala.com/static/c1e/client/91214/uploaded/f55097077e1a605880f31983c1cb0b62.webp)
ഭരണഭാഷ -മലയാള ഭാഷ ജില്ലാ തല ഏകോപന സമിതിയുടെ അവലോകന യോഗം അഡീഷണൽ ഡിസ്ട്രിക്ട് മജിസ്ട്രേറ്റ് ബി ജ്യോതിയുടെ അധ്യക്ഷതയിൽ ചേർന്നു. കലക്ട്രേറ്റ് കോൺഫറൻസ് ഹാളിൽ നടന്ന യോഗത്തിൽ വിവിധ വകുപ്പുകൾ ഭരണഭാഷ മലയാളത്തിലാക്കുന്നത് സംബന്ധിച്ച് നടത്തിയ പ്രവർത്തനങ്ങൾ വിലയിരുത്തി. ഉദ്യോഗസ്ഥ- ഭരണ പരിഷ്കാര ( ഔദ്യോഗിക ഭാഷ) വകുപ്പിലെ ഭാഷാവിദഗ്ധൻ ഡോ. ആർ ശിവകുമാർ ഭരണഭാഷാ രംഗത്തുണ്ടായിക്കൊണ്ടിരിക്കുന്ന നവമാറ്റങ്ങളെ പറ്റി വിശദീകരിച്ചു. ഇ-ഓഫീസിൻ്റെ പ്രാധാന്യം, ലിപിപരിഷ്കരണം, പുതിയ ഫോണ്ടുകൾ, ഭരണഭാഷയിൽ വാക്കുകൾ ശ്രദ്ധിച്ചുപയോഗിക്കുന്നതിലെ സൂക്ഷ്മതകൾ, സർക്കാർ നിർദ്ദേശങ്ങൾ, കോടതി ഉത്തരവുകൾ തുടങ്ങിയവ സംബന്ധിച്ച് അദ്ദേഹം സംസാരിച്ചു. ഡെപ്യൂട്ടി കലക്ടർ കെ മനോജ്, മറ്റ് വകുപ്പ് മേധാവികൾ, ഉദ്യോഗസ്ഥർ എന്നിവർ പങ്കെടുത്തു.
![](https://timeskerala.com/static/c1e/static/themes/16/91214/3752/images/New-Creative-.png)