ഗോഡ്സെയെ മഹത്വവത്കരിച്ച എൻഐടി പ്രഫസറെ ഇന്ന് ചോദ്യംചെയ്യും
Feb 11, 2024, 06:32 IST
കോഴിക്കോട്: സമൂഹമാധ്യമത്തിലൂടെ ഗോഡ്സെയെ മഹത്വവത്കരിച്ച് രംഗത്തെത്തിയ എൻഐടി പ്രഫസർ ഷൈജ ആണ്ടവനെ ഇന്ന് ചോദ്യംചെയ്യും. ഇവരുടെ ചാത്തമംഗലത്തെ വീട്ടിലെത്തി ചോദ്യംചെയ്യുമെന്നാണ് പോലീസ് അറിയിച്ചത്. കലാപാഹ്വാനം അടക്കമുള്ള വകുപ്പുകൾ ചുമത്തിയാണ് ഇവർക്കെതിരേ കേസെടുത്തിരിക്കുന്നത്. വിഷയത്തിൽ അന്വേഷണം നടത്താൻ കോഴിക്കോട് എൻഐടി പ്രത്യേക സമിതിയെ നിയോഗിച്ചിരുന്നു. സമിതി സമർപ്പിക്കുന്ന റിപ്പോർട്ടിന്‍റെ അടിസ്ഥാനത്തിലായിരിക്കും ഇവർക്കെതിരേ വകുപ്പ്തല നടപടി സ്വീകരിക്കുക.