പുതിയ പാര്‍ട്ടി രൂപീകരണം: ജനതാദള്‍-എസ് നേതൃയോഗം ഇന്ന്
May 8, 2024, 09:18 IST
തിരുവനന്തപുരം: പുതിയ പാര്‍ട്ടി രൂപീകരണം ചര്‍ച്ചചെയ്യാന്‍ ജനതാദള്‍-എസിന്‍റെ നേതൃയോഗം ബുധനാഴ്ച ഉച്ചയ്ക്ക് രണ്ടരയ്ക്ക് തിരുവനന്തപുരത്ത് ചേരും. പ്രജ്ജ്വല്‍ രേവണ്ണ ഉള്‍പ്പെട്ട അശ്ലീല ദൃശ്യ വിവാദത്തിന്‍റെ പശ്ചാത്തലത്തിലാണ് പുതിയ നീക്കം. ജനതാദള്‍-എസ്, എന്‍സിപി, കേരള കോണ്‍ഗ്രസ് ബി, ആര്‍എസ്പി ലെനിനിസ്റ്റ് പാര്‍ട്ടികളുടെ ലയനം ആണ് പരിഗണയില്‍. കൂറുമാറ്റ നടപടി ഉള്ളതിനാല്‍ മന്ത്രി കെ. കൃഷ്ണന്‍കുട്ടിയും മാത്യു ടി. തോമസ് എംഎല്‍എയും പുതിയ പാര്‍ട്ടിയില്‍ അംഗത്വം എടുത്തേക്കില്ല.