സംസ്ഥാനത്ത് ഒബിസി പട്ടികയിലേക്ക്​ പുതിയ സമുദായങ്ങളെ ഉൾപ്പെടുത്തി

തി​രു​വ​ന​ന്ത​പു​രം: സം​സ്ഥാ​ന​ത്തെ മ​റ്റ്​ പി​ന്നാ​ക്ക വി​ഭാ​ഗ (ഒ.​ബി.​സി) പ​ട്ടി​ക വി​പു​ലീ​ക​രി​ക്കാ​നുള്ള തീ​രു​മാ​നവുമായി മ​ന്ത്രി​സ​ഭ. ര​ണ്ട്​ സ​മു​ദാ​യ​ങ്ങ​ളെ ഉ​ൾ​പ്പെ​ടു​ത്താനും നി​ല​വി​ലു​ള്ള സ​മു​ദാ​യ​ങ്ങ​ളു​ടെ പ​രി​ധി​യി​ലേ​ക്ക്​ അ​നു​ബ​ന്ധ വി​ഭാ​ഗ​ങ്ങ​ളെ ഉ​ൾ​ചേർക്കാനുമാണ്​ തീ​രു​മാ​നം.

പ​ട്ടി​ക​യി​ലു​ള്ള സേ​നൈ ത​ല​വ​ർ എ​ന്ന സ​മു​ദാ​യ പ​ദം സേ​നൈ​ത​ലൈ​വ​ർ, ഇ​ല​വാ​ണി​യ​ർ, ഇ​ല​വാ​ണി​യ എ​ന്ന് മാ​റ്റം വ​രു​ത്താ​നുമാണ് തീരുമാനിച്ചിരിക്കുന്നത്. പാ​ല​ക്കാ​ട് പാ​ർ​ക്ക​വ​കു​ലം സ​മു​ദാ​യ​ത്തെ പ​ട്ടി​ക​യി​ൽ​ ഉൾപ്പെടുത്തും. ദാ​സ സ​മു​ദാ​യ​വും ഇനി ഒ.​ബി.​സി പ​ട്ടി​ക​യി​ലാകും. ‘ച​ക്കാ​ല’ എ​ന്ന​ത്​ ‘ച​ക്കാ​ല’, ‘ച​ക്കാ​ല നാ​യ​ർ’ എ​ന്നാ​ക്കാനും പ​ണ്ഡി​താ​ർ​സ് എ​ന്ന​ത്​ പ​ണ്ഡി​താ​ർ​സ് അല്ലെങ്കിൽ പ​ണ്ഡി​ത​ർ എ​ന്നാ​ക്കും. ‌ഇത് കൂ​ടാ​തെ, എ​സ്.​ഐ.​യു.​സി ഒ​ഴി​കെ ക്രി​സ്തു​മ​ത വി​ഭാ​​ഗ​ത്തി​ൽ​പെ​ടു​ന്ന നാ​ടാ​ർ സ​മു​ദാ​യ​ക്കാർക്ക് അ​നു​വ​ദി​ക്കു​ന്ന എ​സ്.​ഇ.​ബി.​സി വി​ദ്യാ​ഭ്യാ​സ ആ​നു​കൂ​ല്യം തുടർന്നും നൽകാനാണ് തീരുമാനം..

സൗ​ത്ത് ഇ​ന്ത്യ​ൻ യു​നൈ​റ്റ​ഡ് ച​ർ​ച്ച്​ വി​ഭാ​ഗ​ത്തി​ൽ (എ​സ്.​ഐ.​യു.​സി) പെടാത്ത നാ​ടാ​ർ ക്രി​സ്ത്യ​ൻ വി​ഭാ​ഗ​ങ്ങ​ളെ ഒ.​ബി.​സി പ​ട്ടി​ക​യി​ൽ ഉ​ൾ​പ്പെ​ടു​ത്താ​ൻ 2021ൽ ​തീ​രു​മാ​നി​ച്ചി​രു​ന്നു. ഇ​ത്​ പി​ന്നീ​ട്​ കോ​ട​തി സ്​​റ്റേ ചെയ്യുകയുണ്ടായി.