ബജറ്റിലെ അവഗണന: ബിനോയ് വിശ്വം എം.വി.ഗോവിന്ദനുമായി ചർച്ച നടത്തും
Feb 10, 2024, 06:29 IST
തിരുവനന്തപുരം : സംസ്ഥാന ബജറ്റിൽ പാർട്ടി മന്ത്രിമാർ കൈകാര്യം ചെയ്യുന്ന ഭക്ഷ്യ സിവിൽ-സപ്ലൈസ്, മൃഗസംരക്ഷണം വകുപ്പുകളെ വേണ്ട രീതിയിൽ പരിഗണിക്കാത്ത സാഹചര്യത്തെ സംബന്ധിച്ചു സിപിഐ സംസ്ഥാന സെക്രട്ടറി ബിനോയ് വിശ്വം സിപിഎം സംസ്ഥാന സെക്രട്ടറി എം.വി.ഗോവിന്ദനുമായി ചർച്ച നടത്തും.
ഭക്ഷ്യവകുപ്പിന് ആവശ്യമായ തുക ബജറ്റിൽ ഉൾക്കൊള്ളിക്കാത്തതിനെതിരെ മന്ത്രി ജി.ആർ.അനിൽ പരസ്യമായി രംഗത്തെത്തിയിരുന്നു. കൂടാതെ മന്ത്രി ജെ. ചിഞ്ചുറാണിയും സമാനപരാതി ഉന്നയിച്ചിരുന്നു. ഈ സാഹചര്യത്തിലാണു വിഷയം ചർച്ച ചെയ്യാൻ സിപിഐ സംസ്ഥാന സെക്രട്ടറി തീരുമാനിച്ചത്.