നവകേരള ബസ് അന്തർ സംസ്ഥാന സർവീസ് മെയ് അഞ്ച് മുതൽ
Apr 30, 2024, 19:48 IST
നവകേരള ബസ്സിന് അന്തർ സംസ്ഥാന സർവീസ്. ഗരുഡ പ്രീമിയം എന്ന പേരിൽ മെയ് 5 മുതൽ സർവീസ് തുടങ്ങും. കോഴിക്കോട് -ബാംഗ്ലൂർ റൂട്ടിലാണ് ബസിന്റെ സർവീസ്. എല്ലാ ദിവസവും സർവീസ് നിശ്ചയിച്ചിട്ടുണ്ട്. 
കോഴിക്കോട് നിന്ന് വെളുപ്പിനെ 4 മണിക്ക് പുറപ്പെട്ട് 11.35ന് ബെംഗളൂരു എത്തിച്ചേരുന്ന രീതിയിലാണ് സർവീസ്. ബെംഗളൂരുവിൽ നിന്ന് ഉച്ചക്ക് 2.30 ന് തിരിക്കുന്ന ബസ് രാത്രി 10.05ന് കോഴിക്കോട് എത്തും. കൽപ്പറ്റ, സുൽത്താൻ ബത്തേരി, മൈസൂർ എന്നിവിടങ്ങളിൽ സ്റ്റോപ്പുണ്ട്. ടിക്കറ്റ് നിരക്ക് 1171 രൂപയാണ്.