എംഎസ്എഫിന്‍റെ ആരോപണം അടിസ്ഥാനരഹിതം; മറുപടിയുമായി കെഎസ്‌യു
Sun, 19 Mar 2023
കോഴിക്കോട്: കാലിക്കറ്റ് സർവകലാശാല തെരഞ്ഞെടുപ്പിൽ കെഎസ്‌യു വോട്ട് മറിച്ചെന്ന എംഎസ്എഫിന്‍റെ ആരോപണം നിഷേധിച്ച് കെഎസ്‌യു സംസ്ഥാന അധ്യക്ഷൻ അലോഷ്യസ് സേവ്യർ. കെഎസ്‌യുവിന്‍റെ വോട്ടുകൾ കൃത്യമായി പോൾ ചെയ്തിട്ടുണ്ടെന്നും തങ്ങൾ വോട്ട് മറിച്ചെന്ന ആരോപണം തെറ്റാണെന്നും അലോഷ്യസ് പറഞ്ഞു. കോളജ് തെരഞ്ഞെടുപ്പുകളിൽ ഇനി കെഎസ്‌യുമായി സഹകരിക്കില്ലെന്ന എംഎസ്എഫ് സംസ്ഥാന അധ്യക്ഷന്‍ പി.കെ.നവാസിന്‍റെ പ്രസ്താവന വാർത്തകളിലൂടെയാണ് അറിഞ്ഞതെന്ന് അലോഷ്യസ് പറഞ്ഞു. തീരുമാനത്തെ അംഗീകരിക്കുന്നു എന്നും അലോഷ്യസ് കൂട്ടിച്ചേർത്തു.