മൂർക്കനാട് കൊല: ഒരാൾ കൂടി പിടിയിൽ
May 14, 2024, 20:00 IST
ഇരിങ്ങാലക്കുട: മൂർക്കനാട് ക്ഷേത്രത്തിലെ പൂരത്തോടനുബന്ധിച്ച് നടന്ന ഇരട്ടക്കൊലപാതക കേസിൽ ഒരാൾ കൂടി പിടിയിൽ. പുത്തൂർ പാറക്കൽ വീട്ടില്‍ ആഷിക്കിനെയാണ് (23) റൂറല്‍ ജില്ല പൊലീസ് മേധാവി ഡോ. നവനീത് ശർമ്മയുടെ നിർദേശാനുസരണം ഇരിങ്ങാലക്കുട ഡിവൈ.എസ്.പി കുഞ്ഞുമൊയ്ദീൻകുട്ടി, ഇരിങ്ങാലക്കുട പൊലീസ് സ്റ്റേഷൻ ഇൻസ്‌പെക്ടർ മനോജ്‌ ഗോപി എന്നിവരുടെ മേൽനോട്ടത്തിൽ റൂറൽ ജില്ല ഡാൻസാഫ് സംഘവും ഇരിങ്ങാലക്കുട പൊലീസും ചേർന്ന് അവിനിശ്ശേരിയിൽ നിന്ന് പിടികൂടിയത്. കാപ്പ ചുമത്തി ജയിൽവാസം കഴിഞ്ഞ് ഇറങ്ങിയാണ് മൂർക്കനാട് കൊലപാതകത്തിൽ ഉൾപ്പെട്ടത്. പ്രതിക്കെതിരെ മൂന്ന് മോഷണകേസ്, കവർച്ചക്കേസ്, കൊലപാതകശ്രമം, എന്‍.ഡി.പി.എസ് കേസ് തുടങ്ങിയവയുണ്ട്.