തൃശൂരിൽ കാണാതായ പോലീസുകാരനെ കണ്ടെത്തി
May 15, 2024, 20:07 IST
![തൃശൂരിൽ കാണാതായ പോലീസുകാരനെ കണ്ടെത്തി](https://timeskerala.com/static/c1e/client/91214/uploaded/7f7b606fe1917916c89a9e8c88c45399.webp)
തൃശൂര്: ചാലക്കുടിയിൽനിന്ന് കാണാതായ പോലീസുകാരനെ കണ്ടെത്തി. ആളൂർ പോലീസ് സ്റ്റേഷനിലെ സീനിയർ സിപിഒ സലേഷിനെയാണ് കണ്ടെത്തിയത്. കാണാതായി എട്ടു ദിവസത്തിനുശേഷം തഞ്ചാവൂരില് നിന്നാണ് ഇയാളെ കണ്ടെത്തിയത്. ജോലിക്ക് പോയ സലേഷ് തിരിച്ചു എത്താതിനെ തുടർന്ന് വീട്ടുകാർ പോലീസിൽ പരാതി നൽകിയിരുന്നു.
ചാലക്കുടി ബസ് സ്റ്റാന്റിൽ സലേഷിന്റെ ബൈക്ക് പാർക്ക് ചെയ്ത നിലയിൽ കണ്ടെത്തിയിരുന്നു. അതിനാൽ മുൻപ് ദീർഘയാത്ര പോയത് പോലെ പോയിരിക്കാമെന്ന പ്രതീക്ഷയിലായിരുന്നു കുടുംബം. മൊബൈൽ സ്വിച്ച് ഓഫ് ചെയ്ത നിലയിലായതിനാൽ നമ്പർ പിന്തുടർന്നുള്ള അന്വേഷണം സാധിച്ചിരുന്നില്ല. സലേഷിന് ജോലി സംബന്ധമായ സമ്മർദമുണ്ടെന്നാണ് സുഹൃത്തുക്കൾ പറഞിരുന്നത്.
![](https://timeskerala.com/static/c1e/static/themes/16/91214/3752/images/New-Creative-.png)