ആലപ്പുഴ : മന്ത്രി മോൻസ് ജോസഫ് വെള്ളാപ്പള്ളി നടേശനെ കണിച്ചുകുളങ്ങരയിലെ വസതിയിലെത്തി സന്ദർശിച്ചു. തെരഞ്ഞെടുപ്പ് വിജയത്തിന് ശേഷം മന്ത്രിയായി ചുമതലയേറ്റതിന് ശേഷം ആദ്യമായാണ് അദ്ദേഹം വെള്ളാപ്പള്ളിയെ കാണാനെത്തിയത്.(Minister Mons Joseph visits Vellappally Natesan in a gesture of goodwill)
സന്ദർശന വിവരം വെള്ളാപ്പള്ളി നടേശൻ തന്നെയാണ് ഫേസ്ബുക്കിലൂടെ പങ്കുവെച്ചത്. പൊതുപ്രവർത്തനരംഗത്ത് സൗഹൃദവും പരസ്പര ബഹുമാനവും നിലനിർത്തുന്നതിന്റെ മികച്ച ഉദാഹരണമാണ് ഈ കൂടിക്കാഴ്ചയെന്ന് അദ്ദേഹം പറഞ്ഞു. തെരഞ്ഞെടുപ്പിന് മുൻപ് മത്സരരംഗത്തിറങ്ങിയപ്പോൾ മോൻസ് ജോസഫ് അനുഗ്രഹം തേടി എത്തിയതും, വിജയത്തിന് ശേഷം വീണ്ടും കാണാനെത്തിയതും ഏറെ സന്തോഷം നൽകുന്നുവെന്ന് അദ്ദേഹം വ്യക്തമാക്കി.
എസ്.എൻ.ഡി.പി യോഗത്തിന്റെ പ്രവർത്തനങ്ങളെയും സമുദായത്തെയും മോൻസ് ജോസഫ് എക്കാലവും ബഹുമാനത്തോടെയും സഹകരണ മനോഭാവത്തോടെയുമാണ് കാണുന്നതെന്ന് വെള്ളാപ്പള്ളി അഭിനന്ദിച്ചു. മന്ത്രിയെന്ന നിലയിലുള്ള മോൻസ് ജോസഫിന്റെ പുതിയ ഉത്തരവാദിത്വങ്ങൾക്കും തുടർപ്രവർത്തനങ്ങൾക്കും അദ്ദേഹം എല്ലാവിധ വിജയങ്ങളും നേർന്നു.
Story Summary
Minister Mons Joseph visited Vellappally Natesan at his residence in Kanichukulangara to offer greetings following his election victory and subsequent appointment as a minister. Vellappally highlighted the visit as a model of mutual respect and friendship in public life, expressing his appreciation for the Minister’s long-standing cooperative approach toward the SNDP and the community.
