തിരുവനന്തപുരം: നിയമസഭാ തിരഞ്ഞെടുപ്പ് പെരുമാറ്റച്ചട്ടം പിൻവലിക്കുന്നതോടെ സംസ്ഥാനത്ത് പാൽവില വർധിപ്പിക്കാൻ മിൽമയുടെ നീക്കം. ലിറ്ററിന് നാലു രൂപ വർധിപ്പിക്കണമെന്ന ശുപാർശയുമായി മിൽമ ചെയർമാൻ ഇന്ന് മന്ത്രി ജെ. ചിഞ്ചുറാണിയെ കാണും. മെയ് ആറ് വരെയാണ് നിലവിൽ പെരുമാറ്റച്ചട്ടം നിലവിലുള്ളത്.(Milma wants to increase milk prices, Discussion with the minister today
കഴിഞ്ഞ വർഷം നവംബർ മുതൽ മിൽമ പാൽവില വർധന ആവശ്യപ്പെടുന്നുണ്ടെങ്കിലും സർക്കാർ ഇതുവരെ പച്ചക്കൊടി കാട്ടിയിട്ടില്ല. വില വർധിപ്പിക്കാനുള്ള നീക്കം ആദ്യം തടഞ്ഞത് തദ്ദേശ തിരഞ്ഞെടുപ്പായിരുന്നു. നിയമസഭാ തിരഞ്ഞെടുപ്പ് വേളയിലും ഇത് നീട്ടിവയ്ക്കപ്പെട്ടു.
പെരുമാറ്റച്ചട്ടം വരുന്നതിന് മുൻപ് തന്നെ വില വർധന നടപ്പിലാക്കണമെന്ന് മിൽമ ആവർത്തിച്ച് ആവശ്യപ്പെട്ടിരുന്നു. എന്നാൽ ഇക്കാര്യത്തിൽ അനുകൂല നിലപാട് ഉണ്ടായില്ല.
