എം.എ. ലത്തീഫിനെ തിരിച്ചെടുത്ത ഹസന്റെ നടപടി കെ. സുധാകരൻ റദ്ദാക്കി
![എം.എ. ലത്തീഫിനെ തിരിച്ചെടുത്ത ഹസന്റെ നടപടി കെ. സുധാകരൻ റദ്ദാക്കി](https://timeskerala.com/static/c1e/client/91214/uploaded/0872ab766cf70db92cec0886a8e880d7.webp)
തിരുവനന്തപുരം: കെപിസിസി മുന് സെക്രട്ടറി എം.എ. ലത്തീഫിനെ തിരിച്ചെടുത്ത നടപടി കെപിസിസി പ്രസിഡന്റ് കെ. സുധാകരൻ റദ്ദാക്കി. എം.എം. ഹസൻ പ്രസിഡന്റിന്റെ താൽക്കാലിക ചുമതല വഹിച്ചിരുന്നപ്പോളാണ് ലത്തീഫിനെ തിരിച്ചെടുത്തത്. എം.എം. ഹസന് എടുത്ത തീരുമാനങ്ങള് പുനപരിശോധിക്കുമെന്ന് കെ. സുധാകരന് അറിയിച്ചതിന് പിന്നാലെയാണ് ഇത്തരത്തിലൊരു നടപടി.
![](https://timeskerala.com/static/c1e/static/themes/16/91214/3752/images/New-Creative-.png)
വി.ഡി. സതീശന്റെ തീരദേശ സന്ദര്ശനത്തിന്റെ ഭാഗമായ മുതലപ്പൊഴി സന്ദര്ശനം തടയാന് ലത്തീഫ് നിര്ദേശം നല്കിയെന്ന് കെപിസിസി നിയോഗിച്ച കമ്മീഷന് കണ്ടെത്തിയിരുന്നു. മാത്രമല്ല, ചിറയിന്കീഴ് നിയോജക മണ്ഡലത്തിലെ പാര്ട്ടി പ്രവര്ത്തകരില് വിഭാഗീയ പ്രവര്ത്തനത്തിന് നേതൃത്വം കൊടുത്തത് ലത്തീഫ് ആണെന്നും റിപ്പോർട്ടിൽ പറഞ്ഞിരുന്നു. തുടർന്ന് ആറ് മാസത്തേക്ക് പാര്ട്ടി ഇയാളെ സസ്പെൻഡ് ചെയ്തിരുന്നു. സസ്പെന്ഷന് കാലാവധി അവസാനിക്കാനിരിക്കെ 2021ല് പ്രാഥമികാംഗത്വത്തില് നിന്നും പുറത്താക്കുകയായിരുന്നു.