മെഡി. കോളജ് ഐ.സി.യു പീഡനം; അന്വേഷണ റിപ്പോർട്ടിൽ പൊരുത്തക്കേടെന്ന് അതിജീവിത
![മെഡി. കോളജ് ഐ.സി.യു പീഡനം; അന്വേഷണ റിപ്പോർട്ടിൽ പൊരുത്തക്കേടെന്ന് അതിജീവിത](https://timeskerala.com/static/c1e/client/91214/uploaded/4fb9353431aee52b84e331546aa5a241.webp)
രോഗിയുടെ പരിശോധന വേളയിൽ താനാണ് ഡ്യൂട്ടിയിൽ ഉണ്ടായിരുന്നതെന്നും ഡോ. പ്രീതി തനിച്ചാണ് പരിശോധനക്കെത്തിയതെന്നും വാർഡ് 20ലെ ഹെഡ് നഴ്സായ പി.ബി. അനിത മൊഴി നൽകിയതായും റിപ്പോർട്ടിലുണ്ട്. പരാതിക്കാരിയുടെ രഹസ്യ ഭാഗത്ത് നഖംകൊണ്ടുള്ള പാടും രക്തവും കണ്ടിരുന്നുവെന്നും ഇക്കാര്യം താൻ ഡോക്ടറെ അറിയിച്ചിരുന്നതായും അനിത മൊഴിയിൽ പറയുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
രോഗി പറഞ്ഞ എല്ലാ കാര്യങ്ങളും പരിശോധനക്കെത്തിയ ഡോക്ടർ കേസ് ഷീറ്റിൽ എഴുതിയതായി കണ്ടിരുന്നില്ലെന്നും അനിത പറയുന്നുണ്ട്. എന്നാൽ, അനിതയുടെ മൊഴി അവിശ്വസനീയമാണെന്നും ഇങ്ങനെയൊരു കാര്യം അവർ മേലുദ്യോഗസ്ഥരെ അറിയിച്ചിട്ടില്ലെന്നും അന്വേഷണ റിപ്പോർട്ട് ചൂണ്ടിക്കാട്ടുന്നു. നേരത്തേ പറഞ്ഞതിനു വിരുദ്ധമായി അനിതയുടെ മൊഴി മറ്റെന്തോ ലക്ഷ്യംവെച്ചാണെന്ന് അനുമാനിക്കേണ്ടിയിരിക്കുന്നുവെന്നും പൊലീസ് ചൂണ്ടിക്കാട്ടുന്നു.