മേയ് 15 മുതൽ ഇറച്ചി വില കൂടും
May 2, 2024, 07:55 IST
![മേയ് 15 മുതൽ ഇറച്ചി വില കൂടും](https://timeskerala.com/static/c1e/client/91214/uploaded/6116fe9fc8f228650ec4d48fea23b1a9.jpg)
കോഴിക്കോട്: കന്നുകാലികൾക്ക് വില കുത്തനെ കൂടുന്ന സാഹചര്യത്തിൽ ഇറച്ചി വില വർധിപ്പിക്കാൻ തീരുമാനിച്ച് ഇറച്ചി വ്യാപാരികൾ. മേയ് 15 മുതൽ വില വർധനവ് നടപ്പാക്കാനാണ് തീരുമാനം. ഓൾ കേരള മീറ്റ് മർച്ചന്റ് അസോസിയേഷൻ യോഗമാണ് തീരുമാനം കൈക്കൊണ്ടത്. കോഴിക്കോട് കാലിക്കറ്റ് ടവറിൽ ചേർന്ന അസോസിയേഷന്റെ അടിയന്തര ജില്ലാ ജനറൽബോഡി യോഗം സംസ്ഥാന രക്ഷാധികാരി കുഞ്ഞായിൻ കോയ ഉദ്ഘാടനം ചെയ്തു. കെ.പി. മുഹമ്മദ് സലീം അധ്യക്ഷത വഹിച്ചു.