മൂന്നാര് പെരിയവരൈ എസ്റ്റേറ്റില് വന് തീപിടിത്തം
Feb 8, 2024, 17:24 IST
![fire](https://timeskerala.com/static/c1e/client/91214/uploaded/818ae159d4d6b2f2f523f243d816ec8f.jpg)
മൂന്നാര്: പെരിയവരൈ എസ്റ്റേറ്റ് ചോലമല ഡിവിഷനില് തൊഴിലാളികള് താമസിക്കുന്ന ലയത്തിനു തീ പിടിച്ചു. ആറു വീടുകള് പൂര്ണമായും കത്തി നശിച്ചു. ഇന്നു പുലര്ച്ചെ രണ്ടോടെയാണ് ലയത്തിനു തീ പിടിച്ചത്. വീടുകളില് ഉറങ്ങുകയായിരുന്ന ആളുകളെ ഉണര്ത്തി പുറത്തെത്തിച്ചതിനാല് ആളപായമുണ്ടായില്ല.
പെരുമാള്, പഞ്ചവര്ണം. കാമരാജ്, രാധിക, രാജു , ചിത്ര, പഴനി, മുനിയസാമി എന്നിവരുടെ വീടുകളാണ് കത്തി നശിച്ചത്. വീടുകളിലെ സാധന സാമഗ്രികള് പൂര്ണമായും കത്തി നശിച്ചു. ഷോര്ട്ട് സര്ക്യൂട്ടാണ് അപകടത്തിനു കാരണമെന്നാണ് പ്രാഥമിക നിഗമനം. അഗ്നിരക്ഷാ സേന സ്ഥലത്ത് എത്തിയെങ്കിലും വീടുകള് പൂര്ണമായും കത്തിനശിച്ചിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)