കോഴിക്കോട്: ബേപ്പൂരിലെ രേണുക ഓയിൽ മില്ലിലുണ്ടായ വൻ തീപിടിത്തം ഫയർഫോഴ്സ് വിഭാഗത്തിന്റെ മണിക്കൂറുകൾ നീണ്ട പരിശ്രമത്തിനൊടുവിൽ നിയന്ത്രണവിധേയമാക്കി. ഞായറാഴ്ച രാത്രി പത്ത് മണിയോടെയാണ് മില്ലിൽ തീപിടിത്തമുണ്ടായത്.(Massive Fire At Renuka Oil Mill In Beypore Kozhikode Brought Under Control)
ഫയർഫോഴ്സിന്റെ 13ലേറെ യൂണിറ്റുകൾ സ്ഥലത്തെത്തി തീ മറ്റ് മേഖലകളിലേക്ക് പടരുന്നത് തടഞ്ഞു. നിലവിൽ 95 ശതമാനം തീയണച്ചെങ്കിലും പ്രദേശം മുഴുവൻ കടുത്ത പുക നിറഞ്ഞ അവസ്ഥയിലാണ്.
മില്ലിലേക്ക് കൊപ്രയുമായി വന്ന ലോറിയും തീപിടിത്തത്തിൽ പൂർണ്ണമായി കത്തിനശിച്ചു. മില്ലിൽ സൂക്ഷിച്ചിരുന്ന വൻതോതിലുള്ള കൊപ്ര, പിണ്ണാക്ക്, എണ്ണ ടാങ്കുകൾ എന്നിവയ്ക്കാണ് പ്രധാനമായും തീപിടിച്ചത്. അപകടത്തിൽ ലക്ഷക്കണക്കിന് രൂപയുടെ സാമ്പത്തിക നാശനഷ്ടം കണക്കാക്കുന്നു. വലിയ തോതിൽ തീ പടർന്നെങ്കിലും ആളപായമൊന്നും റിപ്പോർട്ട് ചെയ്തിട്ടില്ല എന്നത് ആശ്വാസമായി.
Story Summary
A massive fire broke out at Renuka Oil Mill in Beypore, Kozhikode, late Sunday night, destroying stored copra, oil tanks, and a lorry. 13 fire force units responded to the scene and brought 95 percent of the fire under control. While property damage running into lakhs was reported and thick smoke enveloped the area, no casualties occurred.
