ചെന്നൈ : ആരാധകരോട് ഒന്നിച്ച് നിന്ന് പൊതുസേവനത്തിൽ ശ്രദ്ധ കേന്ദ്രീകരിക്കാൻ ആഹ്വാനം ചെയ്ത് നടനും സംവിധായകനുമായ ധനുഷ്. രക്തദാന ക്യാമ്പിൽ സംസാരിക്കവെയാണ്, കേവലം സിനിമാഘോഷങ്ങൾക്കപ്പുറം സമൂഹത്തിൽ ജനക്ഷേമ പ്രവർത്തനങ്ങളിൽ സജീവമാകാൻ താരം ആവശ്യപ്പെട്ടത്. ഇതോടെ വിജയ്ക്ക് പിന്നാലെ ധനുഷും രാഷ്ട്രീയത്തിലേക്ക് ചുവടുവെക്കുകയാണോ എന്ന തരത്തിലുള്ള ഊഹാപോഹങ്ങൾ സോഷ്യൽ മീഡിയയിൽ പ്രചരിക്കാൻ തുടങ്ങി.(Dhanush Hints At Political Entry Calls For Fan Public Service)
Looks like we can expect Dhanush launching his new party sooner than expected.
Vijay had been doing many welfare activities for years through his Vijay Makkal Iyakkam before officially launching TVK in 2024. One of the big events that confirmed his entry sooner was the 2023… https://t.co/XDZOvVg3pa pic.twitter.com/rQkcdRFCn6— Raghu Rajaram (@RaghuTweetbook) July 26, 2026
“ഇത്രയധികം ആളുകൾ ഒരുമിച്ച് ഒരിടത്ത് ഒത്തുകൂടിയിരിക്കുന്നു. ഈ കൂട്ടായ്മയ്ക്ക് വലിയൊരു ശക്തിയുണ്ട്, അതിനൊരു ലക്ഷ്യം നൽകേണ്ടതുണ്ട്. ഓഡിയോ ലോഞ്ചുകൾക്കും മീറ്റപ്പുകൾക്കും അപ്പുറം ജനക്ഷേമ പ്രവർത്തനങ്ങളിൽ നാം ഏർപ്പെടണം. നിങ്ങളുടെ പ്രദേശത്തെയും ചുറ്റുമുള്ള കുടുംബങ്ങളുടെയും ആവശ്യങ്ങൾ മനസ്സിലാക്കി കഴിയുന്ന തരത്തിൽ അവരെ സഹായിക്കുക. നിങ്ങളെയോർത്ത് എനിക്ക് കൂടുതൽ അഭിമാനം തോന്നണം. നിങ്ങൾ അത് ചെയ്യുമെന്ന് ഞാൻ വിശ്വസിക്കുന്നു,” എന്ന് ധനുഷ് പരിപാടിയിൽ പറഞ്ഞു.
വീഡിയോ വൈറലായതോടെ സോഷ്യൽ മീഡിയയിൽ നിരവധി പേരാണ് പ്രതികരണങ്ങളുമായി രംഗത്തെത്തിയത്. വിജയിയുടെ രാഷ്ട്രീയ പ്രവേശനത്തിന് പിന്നാലെ ധനുഷും സ്വന്തം പാർട്ടി പ്രഖ്യാപിച്ചേക്കുമെന്നാണ് ആരാധകരുടെ വിലയിരുത്തൽ.
Story Summary
Actor-director Dhanush has sparked political entry speculation after urging his fans at a blood donation camp to unite for community service and welfare activities. During the event, Dhanush also addressed controversies surrounding his wins at the 72nd National Film Awards.
