കുഞ്ചാക്കോ ബിജുമേനോന്‍ കൂട്ടുകെട്ടിൽ പുതിയ ചിത്രവുമായി മാര്‍ട്ടിന്‍ പ്രക്കാട്ട്
Thu, 16 Mar 2023
കുഞ്ചാക്കോ ബോബൻ ബിജുമേനോന്‍ കൂട്ടുകെട്ടില്‍ മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന പുതിയ സിനിമ വരുന്നു. എറണാകുളം ഗോകുലം പാര്‍ക്കില്‍ നടന്ന ‘പ്രണയവിലാസം’ സക്‌സസ് മീറ്റിലാണ് പുതിയ സിനിമയുടെ പ്രഖ്യാപനമുണ്ടായത്. രതീഷ് ബാലകൃഷ്ണന്‍ പൊതുവാളാണ് സിനിമയുടെ തിരക്കഥയൊരുക്കുന്നത്. ചിത്രത്തില്‍ ബിജു മേനോന്‍ സുപ്രധാന കഥാപാത്രത്തെയാണ് അവതരിപ്പിക്കുന്നത്. മല്ലുസിംഗ്, സീനിയേഴ്‌സ്,സ്പാനിഷ് മസാല,ഓര്‍ഡിനറി,ത്രീ ഡോട്‌സ്, മധുരനാരങ്ങ, ഭയ്യാ ഭയ്യാ, റോമന്‍സ്, 101 വെഡ്ഡിംഗ്‌സ്, ട്വന്‍റി 20, കഥവീട് എന്നിങ്ങനെ ആ ഹിറ്റ് കൂട്ടുകെട്ട് വര്‍ഷങ്ങള്‍ക്ക് ശേഷം മാര്‍ട്ടിന്‍ പ്രക്കാട്ടിനൊപ്പം വീണ്ടും ഒരുമിച്ചെത്തുന്നു. കുഞ്ചാക്കോ ബോബന്‍ പ്രൊഡക്ഷന്‍സ്, ഗ്രീന്‍ റൂം പ്രൊഡക്ഷന്‍സ്, മാര്‍ട്ടിന്‍ പ്രക്കാട്ട് ഫിലിംസ് എന്നീ കമ്ബനികള്‍ സംയുക്തമായാകും സിനിമ നിര്‍മ്മിക്കുന്നത് ഷൈജു ഖാലിദാണ് സിനിമയുടെ ഛായാഗ്രഹണം നിര്‍വഹിക്കുന്നത്.