പലവട്ടം ജനങ്ങൾ മുന്നറിയിപ്പ് നൽകി, തിരുത്തി മുന്നോട്ട് പോയില്ലെങ്കിൽ ഇനിയും ശിക്ഷിക്കപ്പെടും: ബിനോയ് വിശ്വം
![പലവട്ടം ജനങ്ങൾ മുന്നറിയിപ്പ് നൽകി, തിരുത്തി മുന്നോട്ട് പോയില്ലെങ്കിൽ ഇനിയും ശിക്ഷിക്കപ്പെടും: ബിനോയ് വിശ്വം](https://timeskerala.com/static/c1e/client/91214/uploaded/a61684202fd247518ff60b53dd04226f.webp)
തിരുവനന്തപുരം: കേരളത്തിൽ ബിജെപിക്ക് അക്കൗണ്ട് തുറക്കാൻ സാധിച്ചത് ഇടതു പാർട്ടികൾ ഉൾപ്പെടെ മതേതര ശക്തികൾ ഗൗരവത്തോടെ കാണണമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. ജനവിധി കൃത്യമായ മുന്നറിയിപ്പാണെന്നും ബിനോയ് വിശ്വം പറഞ്ഞു. പലവട്ടം ജനങ്ങൾ മുന്നറിയിപ്പ് നൽകിക്കഴിഞ്ഞു. തിരുത്തി മുന്നോട്ട് പോയില്ലെങ്കിൽ ഇനിയും ശിക്ഷിക്കപ്പെടുമെന്ന് ബിനോയ് വിശ്വം പറഞ്ഞു.
![](https://timeskerala.com/static/c1e/static/themes/16/91214/3752/images/New-Creative-.png)
വന്തോതില് കോണ്ഗ്രസ് വോട്ട് ബിജെപിയിലേക്കു ചോര്ന്നിട്ടുണ്ട്. ഇടതുപക്ഷത്തിന്റെ ഭാഗത്തുനിന്നും പോയിട്ടുണ്ടെന്ന് അദ്ദേഹം പറഞ്ഞു. ബിജെപി അക്കൗണ്ട് തുറക്കുന്നത് വലിയ രാഷ്ട്രീയ വെല്ലുവിളിയാണ്. ഇതിന്റെ പ്രത്യാഘാതങ്ങളെക്കുറിച്ച് കേരളം ചിന്തിക്കേണ്ടതാണ്. കമ്മ്യൂണിസ്റ്റ് പാർട്ടികൾക്ക് അത് വിലയിരുത്തേണ്ട കടമയുണ്ടെന്ന് ബിനോയ് വിശ്വം പറഞ്ഞു.