പ്ലാറ്റ്ഫോമിൽനിന്ന് കാല്വഴുതി ട്രാക്കില് വീണയാൾ തീവണ്ടി തട്ടി മരിച്ചു
Feb 5, 2024, 22:26 IST
![പ്ലാറ്റ്ഫോമിൽനിന്ന് കാല്വഴുതി ട്രാക്കില് വീണയാൾ തീവണ്ടി തട്ടി മരിച്ചു](https://timeskerala.com/static/c1e/client/91214/uploaded/ff7ca1c5c49df28aba5c6df2ef6a64e1.webp)
അരൂര്: അരൂര് റെയില്വേ സ്റ്റേഷന് സമീപത്തെ വീട്ടിലേക്ക് പ്ലാറ്റ്ഫോമിലുടെ നടന്ന് പോകവേ കാല്വഴുതി ട്രാക്കില് വീണ ഗൃഹനാഥന് തീവണ്ടി തട്ടി മരിച്ചു. അരുര് ഗ്രാമപഞ്ചായത്ത് 17-ാം വാര്ഡ് നെയ്ത്തുപുരക്കല് (മുകളിത്തറ) യൂദാതദേവൂസ്(അഗസ്റ്റിന്- അത്തോ-59) ആണ് മരിച്ചത്.
ഞായറാഴ്ച രാത്രി 9.30-ഓടെയായിരുന്നു അപകടം സംഭവിച്ചത്. തിരുവനന്തപുരത്ത് നിന്ന് ഗുരുവായൂരിലേക്ക് പോവുകയായിരുന്ന ഇന്റര്സിറ്റി എക്സ്പ്രസാണ് തട്ടിയത്. റെയില്വേ സ്റ്റേഷന് പടിഞ്ഞാറ് ഭാഗത്താണ് അഗസ്റ്റിന്റെ വീട്. കല്പ്പണിക്കാരനായിരുന്നു. സംഭവത്തിന് പിന്നാലെ അരൂര് പൊലീസ് മേല്നടപടി സ്വീകരിച്ചു. മൃതദേഹം പോസ്റ്റ്മാര്ട്ടത്തിന്ശേഷം ബന്ധുക്കള്ക്ക് വിട്ടുനല്കി.
![](https://timeskerala.com/static/c1e/static/themes/16/91214/3752/images/New-Creative-.png)