സ്കൂട്ടറിലെത്തി വയോധികയുടെ സ്വർണമാല കവർന്ന പ്രതി പിടിയിൽ
Feb 11, 2024, 21:20 IST
![സ്കൂട്ടറിലെത്തി വയോധികയുടെ സ്വർണമാല കവർന്ന പ്രതി പിടിയിൽ](https://timeskerala.com/static/c1e/client/91214/uploaded/089c4137b1e82a05f156a01f59d6771a.gif)
തളിപ്പറമ്പ്: സ്കൂട്ടറിലെത്തി വയോധികയുടെ സ്വർണമാല പൊട്ടിച്ച പ്രതി പിടിയിൽ. കഴിഞ്ഞ മാസം 22നു രാവിലെ 9.30ന് പറശ്ശിനി മടപ്പുരക്ക് സമീപമുള്ള വീട്ടിലേക്ക് നടന്നുപോവുകയായിരുന്ന വയോധികയുടെ മൂന്നര പവന്റെ സ്വർണമാല പൊട്ടിച്ചു ബൈക്കിൽ രക്ഷപ്പെട്ട പയ്യന്നൂർ വെള്ളൂരിലെ പുതിയപുരയിൽ ഹൗസിൽ പി.പി. ലിജീഷിനെയാണ് (32) കണ്ണൂർ റൂറൽ ജില്ല പൊലീസ് മേധാവി ഹേമലതയുടെ മേൽനോട്ടത്തിൽ തളിപ്പറമ്പ ഡിവൈ.എസ്.പി പി. ബാലകൃഷ്ണൻ നായർ, ഇൻസ്പെക്ടർ കെ.പി. ഷൈൻ എന്നിവരുടെ നേതൃത്വത്തിലുള്ള സംഘം പിടികൂടിയത്. പ്രതിയെ പിടികൂടാനായി കഴിഞ്ഞ മൂന്നാഴ്ചയായി കണ്ണൂർ, കാസർകോട് ജില്ലകളിലെ 250ൽ പരം സി.സി ടി.വി കാമറകളാണ് പരിശോധിച്ചത്.
സംഭവസമയം പ്രതി ഉപയോഗിച്ച വ്യാജ നമ്പർപ്ലേറ്റ് കേന്ദ്രീകരിച്ചു നടത്തിയ അന്വേഷണത്തിലാണ് പ്രതി വലയിലായത്.