മലപ്പുറം: പൂക്കോട്ടൂർ പിലാക്കലിൽ കളിച്ചുകൊണ്ടിരുന്ന രണ്ട് കുട്ടികൾ വീടിന് സമീപത്തെ തോട്ടിൽ വീണ് മരിച്ചു (Malappuram Drowning Incident). സഹോദരങ്ങളുടെ മക്കളായ ഫൗസാൻ (4), ആദിൽ ഫിറാഷ് (7) എന്നിവരാണ് മരിച്ചത്. ചൊവ്വാഴ്ച ഉച്ചയോടെയാണ് നാടിനെ നടുക്കിയ ഈ അപകടം സംഭവിച്ചത്.
കീഴ്ശ്ശേരി സ്വദേശി അബ്ദുൽ ജലീലിന്റെ മകനാണ് ഫൗസാൻ, മേൽമുറി സ്വദേശി അഫ്സൽ അലിയുടെ മകനാണ് ആദിൽ ഫിറാഷ്.
ഉച്ചയ്ക്ക് ശേഷം കുട്ടികളെ കാണാതായതിനെ തുടർന്ന് ബന്ധുക്കളും നാട്ടുകാരും നടത്തിയ തിരച്ചിലിലാണ് തോട്ടിൽ നിന്ന് കുട്ടികളെ കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മലപ്പുറത്ത് ചൊവ്വാഴ്ച പെയ്ത ശക്തമായ മഴയെത്തുടർന്ന് തോട്ടിൽ വെള്ളം കൂടുതലായിരുന്നു. കളിക്കുന്നതിനിടെ കുട്ടികൾ അബദ്ധത്തിൽ തോട്ടിൽ വീണതാകാമെന്നാണ് പ്രാഥമിക നിഗമനം.മൃതദേഹങ്ങൾ പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.
വേനൽമഴ ശക്തമായ സാഹചര്യത്തിൽ ജലാശയങ്ങൾക്ക് സമീപം താമസിക്കുന്നവർ കുട്ടികളുടെ കാര്യത്തിൽ അതീവ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
News Summary: In a heartbreaking incident at Pookkottoor, Malappuram, two young cousins died after falling into a stream while playing. The deceased are 4-year-old Fousan and 7-year-old Adil Firash. The accident occurred on Tuesday afternoon amid heavy rains in the region, which had increased the water level in the stream. Despite being rushed to the hospital after a frantic search by relatives and locals, their lives could not be saved. The local community is in deep mourning over the loss.
