തിരുവനന്തപുരം: തലസ്ഥാന നഗരത്തിന്റെ ഹൃദയഭാഗമായ തമ്പാനൂരിലെ പ്രമുഖ ഹോട്ടലായ ഹൈലാൻഡ് ഹോട്ടലിൽ വൻ തീപ്പിടിത്തം. ഹോട്ടൽ സമുച്ചയത്തിന്റെ ആറാം നിലയിലാണ് പെട്ടെന്ന് വലിയ രീതിയിൽ തീ പടർന്നുപിടിച്ചത്. ആറാം നിലയിലുള്ള അടുക്കള (Major Fire Outbreak Highland Hotel Thampanoor) ഭാഗത്തുനിന്നാണ് ഷോർട്ട് സർക്യൂട്ട് കാരണം തീ പടർന്നതെന്നാണ് പ്രാഥമികമായി ലഭിക്കുന്ന സൂചന. കെട്ടിടത്തിന് മുകളിൽ നിന്നും വൻതോതിൽ പുക ഉയരുന്നത് ശ്രദ്ധയിൽപ്പെട്ട ഉടനെ ഹോട്ടൽ അധികൃതരും നാട്ടുകാരും ചേർന്ന് ചെങ്കൽച്ചൂള അഗ്നിശമന സേനയെ വിവരം അറിയിക്കുകയായിരുന്നു. തുടർന്ന് ചെങ്കൽച്ചൂള സ്റ്റേഷനിൽ നിന്നും മൂന്ന് യൂണിറ്റ് ഫയർഫോഴ്സ് വാഹനങ്ങൾ അടിയന്തിരമായി സ്ഥലത്തെത്തി തീയണയ്ക്കാനുള്ള കഠിനശ്രമങ്ങൾ ആരംഭിച്ചു.
തീപ്പിടിത്തമുണ്ടായ സമയത്ത് ഹോട്ടൽ മുറികളിലും റെസ്റ്റോറന്റിലുമായി ധാരാളം ആളുകൾ ഉണ്ടായിരുന്നു. എന്നാൽ ഫയർഫോഴ്സ് ഉദ്യോഗസ്ഥരും ഹോട്ടൽ ജീവനക്കാരും കൃത്യസമയത്ത് ഇടപെട്ട് ഹോട്ടലിലുണ്ടായിരുന്ന മുഴുവൻ താമസക്കാരെയും ജീവനക്കാരെയും സുരക്ഷിതമായി കെട്ടിടത്തിന് പുറത്തെത്തിച്ചു. സമയോചിതമായ ഇടപെടൽ കാരണം സംഭവത്തിൽ ഇതുവരെയാർക്കും പരിക്കുകളോ മറ്റ് ആളപായങ്ങളോ ഒന്നും തന്നെ റിപ്പോർട്ട് ചെയ്തിട്ടില്ല. കൃത്യമായി തീപ്പിടിത്തം ഉണ്ടാവാനുള്ള യഥാർത്ഥ കാരണം എന്താണെന്ന് വ്യക്തമല്ലെങ്കിലും കൂടുതൽ അന്വേഷണങ്ങൾക്ക് ശേഷമേ വ്യക്തത വരൂ എന്ന് ഫയർഫോഴ്സ് അധികൃതർ അറിയിച്ചു. കനത്ത പുക ഉയരുന്ന സാഹചര്യത്തിൽ നിലവിൽ തീ പൂർണ്ണമായും നിയന്ത്രണവിധേയമാക്കാനുള്ള തീവ്രശ്രമങ്ങൾ തുടരുകയാണ്. തമ്പാനൂർ മേഖലയിൽ നിലവിൽ പോലീസ് ഗതാഗത നിയന്ത്രണം ഏർപ്പെടുത്തിയിട്ടുണ്ട്.
Story Summary:A major fire broke out on the sixth floor of the famous Highland Hotel in Thampanoor, Thiruvananthapuram. The fire is suspected to have originated from the kitchen area on the top floor. Upon receiving information, three units of the fire force rushed to the spot from Chenkalchoola to douse the flames. Hotel residents and guests who were inside at the time of the incident were safely evacuated by officials and staff, avoiding a major casualty. While no injuries or casualties have been reported so far, efforts are still ongoing to fully control the fire and smoke.
