മദ്യവേട്ട: ജാമ്യത്തിലിറങ്ങിയ കോഴിക്കടയുടമ വീണ്ടും അറസ്റ്റിൽ
ശ്രീകണ്ഠപുരം: കോഴിയിറച്ചി വിൽപനക്കട കേന്ദ്രീകരിച്ച് സമാന്തരബാര്‍ നടത്തി എക്‌സൈസ് പിടിയിലായി ജാമ്യത്തിലിറങ്ങിയ യുവാവ് മദ്യം സഹിതം വീണ്ടും പിടിയിലായി. പയ്യാവൂര്‍ കുന്നത്തൂരിലെ കുഴിഞ്ഞാലില്‍ മനീഷിനെയാണ് (41)പയ്യാവൂര്‍ എസ്.ഐ കെ. ഷറഫുദ്ദീൻ അറസ്റ്റ് ചെയ്തത്. ഇയാളുടെ വീട്ടില്‍നിന്ന് 16 ലിറ്റര്‍ വിദേശ മദ്യവും ആറ് കുപ്പി ബിയറും ബുധനാഴ്ച പിടിച്ചെടുത്തു.
കുന്നത്തൂര്‍പാടി ഉത്സവം നടക്കുന്നതിനിടെ 2023 ഡിസംബര്‍ 18ന് രാത്രി ഈയാളുടെ കോഴിക്കടയില്‍നിന്ന് വന്‍ തോതില്‍ മദ്യവും പണവും എക്‌സൈസ് സംഘം പിടികൂടിയിരുന്നു. ഈ കേസില്‍ ഹൈകോടതിയില്‍നിന്ന് ജാമ്യം നേടി പുറത്തിറങ്ങിയതോടെ വീണ്ടും മദ്യവില്‍പന നടത്തുകയായിരുന്നു.