കടം വാങ്ങിയ പണം തിരിച്ച് നൽകാൻ വൈകി; ഗൃഹനാഥനെ ആക്രമിച്ചതായി പരാതി
May 12, 2024, 18:58 IST
![കടം വാങ്ങിയ പണം തിരിച്ച് നൽകാൻ വൈകി; ഗൃഹനാഥനെ ആക്രമിച്ചതായി പരാതി](https://timeskerala.com/static/c1e/client/91214/uploaded/8bc9fbb5a7f69e64bb29aed01d293afa.jpg)
കൊച്ചി: കടം വാങ്ങിയ പണം തിരിച്ച് നൽകാൻ വൈകിയതിനെ തുടർന്നു ഗൃഹനാഥനെ വീട് കയറി ആക്രമിച്ചതായി പരാതി. പെരുന്പാവൂർ സ്വദേശി മാർട്ടിനാണ് മർദ്ദനമേറ്റത്. സംഭവത്തിൽ എറണാകുളം ഡിസിസി സെക്രട്ടറി അജിത് അമീർ ബാവയ്ക്കെതിരെ പോലീസ് കേസെടുത്തു.
അതേസമയം ആക്രമിച്ചിട്ടില്ലെന്ന് അജിത് അമീർ ബാവ പറഞ്ഞു. ആർക്കും പണം പലിശയ്ക്ക് നൽകിയിട്ടിലിന്നും മാർട്ടിൻ ഭൂമി തരാമെന്ന് പറഞ്ഞ് 20 ലക്ഷത്തോളം രൂപ വാങ്ങിയെന്നും വാഹനം പണയം നൽകി പണവും വാങ്ങിയിരുന്നുവെന്നും എന്നാൽ പണം തിരികെ നൽകിയില്ലെന്നും അദ്ദേഹം പറഞ്ഞു. തന്റെ ഭാര്യയോട് മാർട്ടിൻ മോശമായി പെരുമാറിയെന്നും അജിത് ആരോപിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)