ഭൂമി അഴിമതിക്കേസ്: ഹേമന്ത് സോറനെ ഇഡി ചോദ്യംചെയ്യുന്നു
Jan 31, 2024, 19:27 IST
റാഞ്ചി: ഭൂമി കുംഭകോണവുമായി ബന്ധപ്പെട്ട അഴിമതിക്കേസില്‍ ജാർഖണ്ഡ് മുഖ്യമന്ത്രി ഹേമന്ത് സോറനെ എൻഫോഴ്സ്മെന്‍റ് ഡയറക്ടറേറ്റ് ചോദ്യംചെയ്യുന്നു. റാഞ്ചിയിലെ വസതിയിലെത്തിയാണ് ഉദ്യോഗസ്ഥർ സോറനെ ചോദ്യംചെയ്യുന്നത്. രാജി അഭ്യൂഹം വലിയതോതിൽ ശക്തമായിരിക്കേ വൻ സുരക്ഷാ സന്നാഹങ്ങളാണ് മുഖ്യമന്ത്രിയുടെ വസതിയിൽ ഒരുക്കിയിരിക്കുന്നത്. അറസ്റ്റിലേക്ക് നീങ്ങിയാൽ രാജിവച്ച് ഭാര്യ കൽപന സോറനെ മുഖ്യമന്ത്രിയാക്കാനാണ് നീക്കം. നേരത്തെ പത്തുതവണ ചോദ്യംചെയ്യലിന് ഹാജരാകാൻ ഇഡി അദ്ദേഹത്തിന് നോട്ടീസ് നല്കിയിരുന്നു. ഇന്ന് ചോദ്യംചെയ്യലിന് തയാറാണെന്ന് സോറൻ ഇഡി നോട്ടീസിനു മറുപടി നല്കിയത്.