കെഎസ്ആർടിസി ദീർഘദൂര സർവീസുകൾ നിർത്തലാക്കുന്നു; ഇനി എല്ലാം കെ സ്വിഫ്റ്റിന്
![കെഎസ്ആർടിസി ദീർഘദൂര സർവീസുകൾ നിർത്തലാക്കുന്നു; ഇനി എല്ലാം കെ സ്വിഫ്റ്റിന്](https://timeskerala.com/static/c1e/client/91214/uploaded/85cee95fda5556d6d52810151931afda.jpg)
ചാത്തന്നൂർ: കെഎസ്ആർടിസിയുടെ അഭിമാനമായിരുന്ന ദീർഘദൂര സർവീസുകൾ നിർത്തലാക്കുന്നു. വൻ വരുമാനം നേടികൊണ്ടിരുന്ന ഈ സർവീസുകൾ ഘട്ടംഘട്ടമായി കെ സ്വിഫ്റ്റിന് കൈമാറുകയാണ്. ഇതിന്റെ ഭാഗമായി കെഎസ്ആർടിസിയുടെ ദീർഘദൂര ബുക്കിംഗ് സംവിധാനം നിർത്തലാക്കുകയാണ്.
ചൊവ്വാഴ്ച മുതൽ കെഎസ്ആർടിസി കെ-സിഫ്റ്റ് ബസുകളുടെ ബുക്കിംഗ് onlineksrtcswift.com എന്ന പുതിയ വെബ്സൈറ്റിലും enteksrtcneooprs എന്ന മൊബൈൽ ആപ്പിലേയ്ക്കുമാണ് മാറ്റിയിരിക്കുന്നത്. പഴയ കെഎസ്ആർടിസി സൈറ്റിലൂടെ ഇനി ടിക്കറ്റ് മുൻകൂട്ടി ബുക്ക് ചെയ്യാൻ സാധിക്കില്ല.
![](https://timeskerala.com/static/c1e/static/themes/16/91214/3752/images/New-Creative-.png)
ദീർഘകാലമായി കെഎസ്ആർടിസിക്ക് പുതിയ ബസുകൾ വാങ്ങുകയോ 2016ന് ശേഷം ജീവനക്കാരെ പുതുതായി നിയമിക്കുകയോ ചെയ്തിരുന്നില്ല. കെ സ്വിഫ്റ്റ് എന്ന സ്വതന്ത്ര കമ്പനി രൂപീകരിച്ച ശേഷം കെഎസ് ആർടിസിയുടെ ദീർഘദൂര സർവീസുകൾ ഉൾപ്പെടെയുള്ളവയുടെ പെർമിറ്റുകൾ കെ സ്വിഫ്റ്റിന് കൈമാറി കൊണ്ടിരിക്കുകയാണ്.