ഓടിക്കൊണ്ടിരിക്കെ കെ.എസ്.ആർ.ടി.സി ബസിന് തീപിടിച്ചു
Sep 18, 2023, 22:12 IST
![ഓടിക്കൊണ്ടിരിക്കെ കെ.എസ്.ആർ.ടി.സി ബസിന് തീപിടിച്ചു](https://timeskerala.com/static/c1e/client/91214/uploaded/2801657a05e436031bc831a8f16ac8fe.webp)
ചാലക്കുടി: ചാലക്കുടിയിൽ ഓടിക്കൊണ്ടിരുന്ന കെ.എസ്.ആർ.ടി.സി ബസിന് തീപിടിച്ചു. ഓടിക്കൊണ്ടിരിക്കേ പിൻവശത്തെ ടയറിന് തീപിടിക്കുകയായിരുന്നു. ഞായറാഴ്ച രാവിലെ അതിരപ്പിള്ളി റോഡിൽ കൂടപ്പുഴ സുബ്രഹ്മണ്യസ്വാമി ക്ഷേത്രത്തിന് മുന്നിലാണ് സംഭവം നടന്നത്. രണ്ടുകൈ -ചാലക്കുടി റൂട്ടിൽ ഓടുന്ന ഓർഡിനറി ബസാണ് അപകടത്തിൽപ്പെട്ടത്.
![](https://timeskerala.com/static/c1e/static/themes/16/91214/3752/images/New-Creative-.png)
പിന്നിലെ വാഹനത്തിൽ വന്നവരാണ് തീപിടിത്തം ശ്രദ്ധയിൽപ്പെടുത്തിയത്. ഉടൻ വണ്ടി നിർത്തി യാത്രക്കാരെ ഇറക്കുകയായിരുന്നു. അഗ്നിരക്ഷ സേനയെത്തി തീ അണച്ചതോടെ ദുരന്തം ഒഴിവായി. സംഭവത്തിൽ യാത്രക്കാർക്ക് ആർക്കും പരിക്കില്ല.