കിച്ചണ്‍ ഉപകരണങ്ങള്‍ വിതരണം ചെയ്തു
Jan 31, 2024, 19:15 IST
മുള്ളന്‍കൊല്ലി ഗ്രാമപഞ്ചായത്ത് 2023-24 വാര്‍ഷിക പദ്ധതിയിലുള്‍പ്പെടുത്തി പഞ്ചായത്തിലെ എല്ലാ അങ്കണവാടികള്‍ക്കും കിച്ചണ്‍ ഉപകരണങ്ങള്‍ വിതരണം ചെയ്തു. കിച്ചന്‍ സ്റ്റാന്‍ഡ്, ഇഡ്ഡലി കുക്കര്‍, ദോശ തവ എന്നിവയാണ് വിതരണം ചെയ്തത്. വിതരണോദ്ഘാടനം മുള്ളന്‍കൊല്ലി ഗ്രാമപഞ്ചായത്ത് പ്രസിഡന്റ് പി.കെ വിജയന്‍ നിര്‍വഹിച്ചു.
പട്ടാണികൂപ്പ് അങ്കണവാടിയില്‍ നടന്ന പരിപാടിയില്‍ ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ ജിസ്‌റ മുനീര്‍ അധ്യക്ഷയായി. വാര്‍ഡ് അംഗം ജോസ് നെല്ലേടേം, അങ്കണവാടി ടീച്ചര്‍ കെ റംല, എ.ഡി.എസ് പ്രതിനിധി ആനി ചെമ്പക്കര, ആശാവര്‍ക്കര്‍ റസിയ മുസ്തഫ, തോമസ് അത്തിമുറ്റം, എ.എല്‍.എം.സി കമ്മിറ്റി അംഗങ്ങള്‍, കുടുംബശ്രീ പ്രവര്‍ത്തകര്‍ എന്നിവര്‍ പങ്കെടുത്തു.