തിരുവനന്തപുരം: സംസ്ഥാനത്ത് പടർന്നുപിടിക്കുന്ന പകർച്ചവ്യാധികൾ തടയുന്നതിന്റെ ഭാഗമായി മൂന്ന് ദിവസത്തെ പ്രത്യേക ‘ഡ്രൈ ഡേ’ ആചരിക്കാൻ സർക്കാർ തീരുമാനം. ആരോഗ്യ മന്ത്രി കെ. മുരളീധരൻ ജില്ലാ കലക്ടർമാരുമായും ജില്ലാ മെഡിക്കൽ ഓഫീസർമാരുമായും നടത്തിയ ഉന്നതതല അവലോകന യോഗത്തിന് ശേഷമാണ് അടിയന്തര നടപടി പ്രഖ്യാപിച്ചത്.(Kerala government announces three days Dry Day to prevent infectious diseases)
വെള്ളി, ശനി, ഞായർ ദിവസങ്ങളിൽ സംസ്ഥാനത്തെ വിവിധയിടങ്ങളിൽ ശുചീകരണ പ്രവർത്തനങ്ങൾ നടക്കും. വെള്ളിയാഴ്ച: സ്കൂളുകളിൽ ശുചീകരണം, ശനിയാഴ്ച: സർക്കാർ/സ്വകാര്യ ഓഫീസുകളിൽ ശുചീകരണം, ഞായറാഴ്ച: വീടുകളിലും പരിസരങ്ങളിലും ശുചീകരണം എന്നിങ്ങനെയാണ് ക്രമീകരണം.
സംസ്ഥാനത്ത് രോഗവ്യാപനം അതിരൂക്ഷമായിക്കൊണ്ടിരിക്കുകയാണ്. ഇന്നലെ മാത്രം എട്ടുപേർക്കാണ് ഷിഗെല്ല സ്ഥിരീകരിച്ചത്. ഡെങ്കിപ്പനി കേസുകളിലും വൻ വർദ്ധനവാണ് രേഖപ്പെടുത്തുന്നത്. പ്രതിദിനം പതിനായിരത്തിന് മുകളിൽ ആളുകളാണ് പനി ബാധിച്ച് ആശുപത്രികളിൽ ചികിത്സ തേടുന്നത്.
Story Summary
The Kerala government has announced a three-day ‘Dry Day’ campaign to combat the surge in infectious diseases like Shigella and Dengue fever, which have seen a significant rise in recent days. Cleaning activities will be conducted in schools on Friday, offices on Saturday, and homes on Sunday to mitigate the risks as the monsoon intensifies.
