മുംബൈ: പ്രിയ ഗായകൻ സോനു നിഗം കടുത്ത ആരോഗ്യപ്രശ്നങ്ങളിലൂടെ കടന്നുപോകുന്നതായി റിപ്പോർട്ട്. ‘പിഞ്ച്ഡ് നെർവ്സ്’ എന്ന അസ്വസ്ഥതയെത്തുടർന്ന് കഠിനമായ വേദന അനുഭവിക്കുന്നതായി അദ്ദേഹം തന്നെയാണ് സാമൂഹ്യമാധ്യമങ്ങളിലൂടെ ആരാധകരെ അറിയിച്ചത് (Sonu Nigam Pinched Nerves). വേദനസംഹാരികളുടെ ഉപയോഗം തന്റെ ശബ്ദത്തെയും തൊണ്ടയെയും ബാധിക്കുന്നുണ്ടെന്നും, പാടാൻ വലിയ ബുദ്ധിമുട്ട് അനുഭവപ്പെടുന്നുണ്ടെന്നും സോനു നിഗം വീഡിയോയിൽ വ്യക്തമാക്കി.
Sonu Nigam is battling pinched nerves and has been undergoing medical tests and treatment for the past week. Despite the pain he assured fans to perform on his upcoming show#sonunigam #singer #medicaltreatment #trending #latest #fans #musicconcert #treatment pic.twitter.com/uEaTWEsFDB
— Manchh (@Manchh_Official) June 17, 2026
കഴിഞ്ഞ ഒരാഴ്ചയായി താൻ എംആർഐ, സിടി സ്കാനുകൾക്ക് വിധേയനാവുകയാണെന്നും ഫിസിയോതെറാപ്പി സെഷനുകൾ ഏറെ വേദനാജനകമാണെന്നും അദ്ദേഹം കൂട്ടിച്ചേർത്തു. ഇത്രയേറെ ശാരീരിക ബുദ്ധിമുട്ടുകൾക്കിടയിലും, ജൂൺ 27-ന് മുംബൈയിലെ നിത മുകേഷ് അംബാനി കൾച്ചറൽ സെന്ററിൽ (NMACC) നടക്കാനിരിക്കുന്ന തന്റെ ലൈവ് ഷോയിൽ നിന്ന് പിന്മാറാൻ അദ്ദേഹം തയ്യാറല്ല. ആരാധകർക്ക് നൽകിയ വാക്ക് പാലിക്കണമെന്ന ഉറച്ച തീരുമാനത്തിലാണ് അദ്ദേഹം. സംഗീതത്തോടുള്ള അദ്ദേഹത്തിന്റെ ഈ അർപ്പണബോധത്തെയും മനോധൈര്യത്തെയും പ്രശംസിച്ച് നിരവധി ആരാധകരാണ് പിന്തുണയുമായി എത്തുന്നത്.
Summary: Renowned singer Sonu Nigam has revealed that he is suffering from “pinched nerves,” causing him severe pain and discomfort, exacerbated by the side effects of strong painkillers on his throat and vocal health. Despite undergoing intensive medical treatment and physical therapy, the singer remains determined to fulfill his commitment to perform a live concert in Mumbai on June 27, earning widespread praise from fans for his dedication to music.
