കാപ്പ ചുമത്തി ജയിലിലടച്ചു
May 7, 2024, 21:06 IST
കിളിമാനൂർ: യുവാവിനെ കാപ്പ ചുമത്തി ജയിലിൽ അടച്ചു. പുതിയകാവ് കുന്നുവിള വീട്ടിൽ അനന്ദുവിനെ (23 -കിച്ചു)യാണ് കാപ്പ നിയമപ്രകാരം അറസ്റ്റു ചെയ്ത് പൂജപ്പുര സെൻട്രൽ ജയിലിൽ അടച്ചു. കഴിഞ്ഞ ഡിസംബർ 30ന് പുലർച്ചെ ഒന്നോടെ കീഴ് മണ്ണടി ആറിന് സമീപം സുഹൃത്തിനെ തലക്കടിച്ച് കൊലപ്പെടുത്താൻ ശ്രമിച്ച കേസിൽ സബ് ജയിലിൽ കഴിയുകയായിരുന്നു. കൊലപാതശ്രമം ഉൾപ്പെടെ നാലോളം കേസുകൾ ഇയാളുടെ പേരിൽ ഉള്ളതായി കിളിമാനൂർ സർക്കിൾ ഇൻസ്പെക്ടർ ബി. ജയൻ അറിയിച്ചു.