കോഴിക്കോട്: കാഫിർ സ്ക്രീൻഷോട്ട് വിവാദത്തിൽ രൂക്ഷവിമർശനവുമായി കൊയിലാണ്ടി എംഎൽഎ പ്രവീൺകുമാർ. പ്രകോപന പ്രസംഗത്തിൽ കാണാൻ കഴിയുന്നത് സിപിഎമ്മിന്റെ വെപ്രാളമാണെന്നും, ഭരണം മാറിയെന്ന് സിപിഎം ഇനിയെങ്കിലും മനസ്സിലാക്കണമെന്നും അദ്ദേഹം പറഞ്ഞു.(Kafir Screenshot Case, Praveen Kumar MLA Slams CPM)
ഷാഫിയും പാറക്കലും പുറത്തിറങ്ങില്ലെന്ന് പറയുന്നവർ, സ്വന്തം കാരണങ്ങളാൽ ജയിലിൽ പോകാതെ നോക്കണം. കാഫിർ കേസ് അന്വേഷിക്കുന്നത് പോലീസാണ്, ആ അന്വേഷണം ജിതിൻ ഭാസ്കറിൽ മാത്രം ഒതുങ്ങില്ല. പ്രാദേശിക നേതാക്കൾ കൂടി കുടുങ്ങുന്ന സാഹചര്യമാണുള്ളത്, പ്രവീൺകുമാർ വ്യക്തമാക്കി.
ഡിസിസി ഓഫീസിന് മുന്നിൽ ബോർഡ് വെച്ചത് കോൺഗ്രസുകാരല്ല. അത്തരം പ്രവൃത്തികൾ കോൺഗ്രസ് നയമല്ല. ഒരു പദവി എന്നത് പാർട്ടിയുടെ തീരുമാനമാണ്, കോൺഗ്രസുകാർക്ക് നേരിട്ട് അഭിപ്രായം പറയാനുള്ള സ്വാതന്ത്ര്യമുണ്ടെന്നും അദ്ദേഹം പറഞ്ഞു.
Story Summary
MLA Praveen Kumar has hit back at the CPM District Secretary’s threats against UDF leaders regarding the “Kafir” screenshot case. Kumar stated that the investigation will not stop with Jithin Bhaskar and that local CPM leaders are likely to be implicated.
