കൊച്ചി: മാജിക് മൂൺ പ്രൊഡക്ഷൻസിന്റെ ബാനറിൽ രാജീവ് ഗോവിന്ദൻ നിർമ്മിക്കുന്ന പുതിയ ചിത്രം ‘മായൻ’ പൂജ ചടങ്ങുകളോടെ ആരംഭിച്ചു (Jayasurya Mayan Movie). കൊച്ചി അഞ്ചുമന ക്ഷേത്രത്തിൽ നടന്ന ചടങ്ങിൽ പ്രിയ സംവിധായകൻ സച്ചിയുടെ ഭാര്യ സിജി സച്ചിയും സഹോദരി സജിതയും ചേർന്ന് ചിത്രത്തിന്റെ ടൈറ്റിൽ അനാഛാദനം നിർവ്വഹിച്ചു. മലയാള സിനിമയിലെ പ്രമുഖരും അണിയറ പ്രവർത്തകരും ചടങ്ങിൽ പങ്കെടുത്തു.
സൂപ്പർ ഹിറ്റ് ചിത്രം ‘കളങ്കാവലി’ന് ശേഷം ജിതിൻ കെ. ജോസ് സംവിധാനം ചെയ്യുന്ന ചിത്രമാണിത്. ‘ഓർഡിനറി’, ‘അനാർക്കലി’ തുടങ്ങിയ ബ്ലോക്ക്ബസ്റ്ററുകൾ സമ്മാനിച്ച മാജിക് മൂൺ പ്രൊഡക്ഷൻസിന്റെ മൂന്നാമത്തെ സംരംഭമാണിത്. പ്രശസ്ത തിരക്കഥാകൃത്ത് റാഫിയും സംവിധായകൻ ജിതിൻ കെ. ജോസും ചേർന്നാണ് ചിത്രത്തിന് തിരക്കഥയൊരുക്കുന്നത്.
മലയാള സാഹിത്യത്തിലും ഐതിഹ്യങ്ങളിലും ഏറെ പ്രശസ്തമായ ‘കറുത്തച്ചനൂട്ട്’ എന്ന വിഷയവുമായി ബന്ധപ്പെട്ടാണോ ഈ സിനിമ ഒരുങ്ങുന്നതെന്ന കൗതുകത്തിലാണ് പ്രേക്ഷകർ. അണിയറ പ്രവർത്തകർ പങ്കുവെച്ച സോഷ്യൽ മീഡിയ പോസ്റ്റുകളും ചിത്രങ്ങളും ഇത്തരമൊരു ചർച്ചയ്ക്ക് വഴിമാറിക്കഴിഞ്ഞു. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം ഇതുവരെ വന്നിട്ടില്ല.
ജയസൂര്യയ്ക്കൊപ്പം നൈല ഉഷ, വിജയ് ബാബു, നിരഞ്ജന അനൂപ് എന്നിവർ പ്രധാന വേഷങ്ങളിലെത്തുന്നു. ‘കളങ്കാവൽ’ ടീമിലെ പ്രധാന സാങ്കേതിക പ്രവർത്തകർ ഈ ചിത്രത്തിനായി വീണ്ടും ഒന്നിക്കുന്നു എന്ന പ്രത്യേകതയുമുണ്ട്.
ക്യാമറ: ഫൈസൽ അലി
സംഗീതം: മുജീബ് മജീദ്
എഡിറ്റിംഗ്: പ്രവീൺ പ്രഭാകർ
പ്രൊഡക്ഷൻ കൺട്രോളർ: ദീപക് പരമേശ്വരൻ
പിആർഒ വിപിൻ കുമാർ വി, ഡിജിറ്റൽ മാർക്കറ്റിംഗ് പ്രവർത്തനങ്ങൾ എന്നിവ ഏകോപിപ്പിക്കും. സിനിമയുടെ ചിത്രീകരണം ഉടൻ ആരംഭിക്കും.
Story Summary: The pooja ceremony for Jayasurya’s upcoming movie ‘Maayan’, directed by Jithin K. Jose, was held at Anjumana Temple, Kochi. Produced by Rajeev Govindan under Magic Moon Productions, the film’s title was unveiled by late director Sachy’s wife Siji and sister Sajitha.
