സംസ്ഥാനത്തെ ഡ്രൈവിംഗ് ടെസ്റ്റ് പരിഷ്കരണം റദ്ദാക്കണ൦ : ഹർജിയിൽ ഇന്ന് ഇടക്കാല വിധി
May 3, 2024, 11:35 IST
ഹൈക്കോടതി ട്രാൻസ്പോർട്ട് കമ്മീഷണർ സംസ്ഥാനത്തെ ഡ്രൈവിംഗ് ടെസ്റ്റ് പരിഷ്കരിക്കാനായി ഇറക്കിയ സർക്കുലർ റദ്ദാക്കണമെന്ന് ആവശ്യപ്പെട്ട് നൽകിയ ഹർജിയിൽ ഇന്ന് ഇടക്കാല ഉത്തരവ് പറയും. ഉത്തരവിറക്കുക ജസ്റ്റീസ് കൗസർ എടപ്പഗത്ത് ആണ്. ഡ്രൈവിംഗ് സ്കൂൾ ഉടമകളും, ജീവനക്കാരുമടക്കം നൽകിയ ഹർജികളിലാണ് ഉത്തരവ് ഇറക്കുക. സർക്കുലർ കേന്ദ്ര നിയമത്തിന് വിരുദ്ധമാണെന്ന് ഹർജിക്കാർ പറയുന്നു.
അതേസമയം ഇന്നും ഡ്രൈവിംഗ് പരിഷ്ക്കരണത്തിനെതിരായ സംയുക്ത സമിതിയുടെ ബഹിഷ്ക്കരണം തുടരും. സമര സമിതി ഡ്രൈവിംഗ് ടെസ്റ്റ് അനുവദിക്കില്ലെന്ന നിലപാടിലാണ്. സമരം ഇന്നുമുതൽ ശക്തമാക്കാനാണ് തീരുമാനം.