സംസ്ഥാനത്ത് എല്ലാ ജില്ലകളിലും നേരിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്
Apr 30, 2024, 15:18 IST
![മഴ](https://timeskerala.com/static/c1e/client/91214/uploaded/af51753fbfff25fb28a48f2e67f7fadd.jpg)
കൊച്ചി: ഇന്ന് സംസ്ഥാനത്ത് എല്ലാ ജില്ലകളിലും നേരിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. പുറപ്പെടുവിച്ചത് അടുത്ത അഞ്ചു ദിവസത്തേക്കുള്ള മഴമുന്നറിയിപ്പ് ആണ്. ഇടത്തരം മഴയ്ക്ക് സാധ്യതയുള്ളത് പത്തനംതിട്ട, ഇടുക്കി, എറണാകുളം ജില്ലകളിലാണ്. കണ്ണൂർ, കാസർഗോഡ് ഒഴികെയുള്ള ജില്ലകളിൽ ബുധൻ, വെള്ളി, ശനി ദിവസങ്ങളിൽ നേരിയ മഴയ്ക്ക് സാധ്യതയും, തൃശൂർ, കോഴിക്കോട്, കണ്ണൂർ, കാസർഗോഡ് ജില്ലകളിൽ വ്യാഴാഴ്ച നേരിയ മഴയ്ക്ക് സാധ്യതയും ഉണ്ട്. തിരുവനന്തപുരം ജില്ലയിൽ ഒറ്റപ്പെട്ടയിടങ്ങളിൽ അടുത്ത മൂന്നു മണിക്കൂറിൽ ഇടിമിന്നലോട് കൂടിയ മഴ ലഭിക്കും. ഇതോടൊപ്പം മണിക്കൂറിൽ 40 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാവകുപ്പ് പറഞ്ഞു.