അനധികൃത ചെങ്കല് ഖനനം; തടപ്പറമ്പില് യന്ത്രസാമഗ്രികളും എട്ട് വാഹനങ്ങളും പൊലീസ് പിടികൂടി
![അനധികൃത ചെങ്കല് ഖനനം; തടപ്പറമ്പില് യന്ത്രസാമഗ്രികളും എട്ട് വാഹനങ്ങളും പൊലീസ് പിടികൂടി](https://timeskerala.com/static/c1e/client/91214/uploaded/d38c06b8d8d48d163c14eef9cc73ef15.webp)
കൊണ്ടോട്ടി: മോങ്ങത്തിനടുത്ത് തടപ്പറമ്പിൽ പ്രവര്ത്തിച്ചിരുന്ന അനധികൃത ചെങ്കല് ക്വാറിയില് നിന്ന് കല്ലുവെട്ട് യന്ത്രങ്ങളും എട്ട് വാഹനങ്ങളും കൊണ്ടോട്ടി പൊലീസ് പിടികൂടി. അനുമതിയില്ലാത്ത കേന്ദ്രത്തില് വ്യാപകമായി ചെങ്കല് ഖനനം നടന്നു വരികയായിരുന്നെന്ന് പൊലീസ് പറഞ്ഞു. രണ്ട് കല്ലുവെട്ട് യന്ത്രങ്ങള്, രണ്ട് ജെ.സി.ബികള്, കല്ല് കൊണ്ടുപോകാനെത്തിയ ആറ് ടിപ്പര് ലോറികള് എന്നിവയാണ് സി.ഐ ദീപകുമാറിന്റെ നേതൃത്വത്തിലുള്ള പൊലീസ് സംഘം പിടിച്ചെടുത്തത്. പിടിച്ചെടുത്ത വാഹനങ്ങളും യന്ത്രസാമഗ്രികളും കൊണ്ടോട്ടി പൊലീസ് സ്റ്റേഷന് പരിസരത്തേക്ക് മാറ്റിയിരിക്കുകയാണ്.
![](https://timeskerala.com/static/c1e/static/themes/16/91214/3752/images/New-Creative-.png)
സംഭവത്തിൽ വിശദമായ റിപ്പോര്ട്ടും വാഹനങ്ങളും പൊലീസ് ജിയോളജി വകുപ്പിന് കൈമാറും. ഇക്കാര്യത്തില് ജിയോളജി വകുപ്പാണ് തുടര് നടപടികള് സ്വീകരിക്കുക.