കണ്ണൂരില്‍ നടുറോഡില്‍ ഐസ്ക്രീം ബോംബ് സ്‌ഫോടനം; പോലീസ് അന്വേഷണം തുടങ്ങി
May 13, 2024, 09:42 IST
കണ്ണൂര്‍: ചക്കരക്കല്ല് ബാവോട് ബോംബ് സ്‌ഫോടനം. ഐസ്ക്രീം ബോംബുകളാണ് റോഡില്‍ പൊട്ടിയത്. സിപിഎം-ബിജെപി സംഘര്‍ഷത്തെ തുടര്‍ന്ന് പോലീസ് പട്രോളിംഗ് ശക്തമാക്കിയിരുന്ന സ്ഥലത്താണ് ബോംബുകള്‍ പൊട്ടിയത്. സംഭവത്തില്‍ ആര്‍ക്കും പരിക്കോ നാശനഷ്ടമോ റിപ്പോര്‍ട്ട് ചെയ്തിട്ടില്ല. ഇന്ന് പുലര്‍ച്ചെ മൂന്നോടെയാണ് സംഭവം നടന്നത്. ബോംബിന്‍റെ അവശിഷ്ടങ്ങള്‍ അടക്കം സ്ഥലത്തുനിന്ന് കണ്ടത്തിയിട്ടുണ്ട്. പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.