കാസർഗോഡ് കിണര് വൃത്തിയാക്കുന്നതിനിടെ മനുഷ്യ അസ്ഥികൂടം
Updated: May 13, 2024, 17:11 IST
![കാസർഗോഡ് കിണര് വൃത്തിയാക്കുന്നതിനിടെ മനുഷ്യ അസ്ഥികൂടം](https://timeskerala.com/static/c1e/client/91214/uploaded/69bdc9c29c04f9f085e1563b9b30cd30.webp)
കാസർഗോഡ്: ചിറ്റാരിക്കാല് ഇരുപത്തഞ്ചില് ഉപയോഗശൂന്യമായ കിണര് വൃത്തിയാക്കുന്നതിനിടെ മനുഷ്യ അസ്ഥികൂടത്തിന്റെ അവശിഷ്ടങ്ങള് കണ്ടെത്തി. പ്രാഥമിക കുടുംബാരോഗ്യ കേന്ദ്രത്തിനു സമീപത്തെ സ്വകാര്യ വ്യക്തിയുടെ പറമ്പിലെ കിണറിലാണ് അസ്ഥികൂടത്തിന്റെ അവശിഷ്ടങ്ങള് കണ്ടെടുത്തത്. ഇതോടൊപ്പം ഒരു ആധാര് കാര്ഡും വസ്ത്രങ്ങളുടെയും ചെരുപ്പിന്റെ ഭാഗങ്ങളും കിട്ടിയിട്ടുണ്ട്. സംഭവത്തിന് പിന്നാലെ തുടര്ന്ന് പോലീസും ഫോറന്സിക് അധികൃതരും സ്ഥലത്തെത്തി പരിശോധന നടത്തി. ആധാര് കാര്ഡിലെ ആളെക്കുറിച്ചും അന്വേഷണം നടത്താനാണ് പോലീസ് ശ്രമം. ഇയാളെ കാണാതായിരുന്നോ എന്ന കാര്യം ഉള്പ്പെടെ അന്വേഷിച്ചേക്കും.