ഭക്ഷണം കഴിക്കാനെത്തിയ യുവാക്കൾ ഹോട്ടൽ ജീവനക്കാരെ മർദിച്ചതായി പരാതി
![ഭക്ഷണം കഴിക്കാനെത്തിയ യുവാക്കൾ ഹോട്ടൽ ജീവനക്കാരെ മർദിച്ചതായി പരാതി](https://timeskerala.com/static/c1e/client/91214/uploaded/dfe62af487279c919d059e46334b6c92.webp)
തിരുവനന്തപുരം: ഭക്ഷണം കഴിക്കാനെത്തിയവര് ഹോട്ടല് ജീവനക്കാരെ മര്ദിച്ചതായി പരാതി. തിരുവനന്തപുരം പൂജപ്പുരയിലെ അസീസ് ഹോട്ടലിലാണ് സംഭവം നടന്നത്.
മെനു കാര്ഡിനെ ചൊല്ലി ഹോട്ടല് ജീവനക്കാരും ഭക്ഷണം കഴിക്കാനെത്തിയ രണ്ട് യുവാക്കളും തമ്മില് തർക്കമുണ്ടാവുകയും തുടര്ന്ന് നടന്ന സംഘര്ഷത്തില് ഹോട്ടല് ജീവനക്കാര്ക്ക് മര്ദനമേറ്റതായുമാണ് വിവരം. സംഭവത്തില് രണ്ടു പേരെ പോലീസ് കസ്റ്റഡിയിലെടുത്തിട്ടുണ്ട്.
![](https://timeskerala.com/static/c1e/static/themes/16/91214/3752/images/New-Creative-.png)
തർക്കത്തിനുശേഷം ഭക്ഷണം കഴിച്ച ബില്ല് നല്കാതെ രണ്ട് യുവാക്കളും ഹോട്ടലില് നിന്ന് ഇറങ്ങി പോയി. അല്പസമയത്തിന് ശേഷം മറ്റൊരു സംഘം യുവാക്കളുമായി ഇവര് സ്ഥലത്തെത്തി ജീവനക്കാരെ മര്ദിച്ചെന്നാണ് പരാതി.
പിന്നീട് ഇവിടെ നിന്ന് പോയ യുവാക്കള് വീണ്ടും സ്ഥലത്തെത്തി സംഘര്ഷമുണ്ടാക്കുകയും ഈ സമയത്ത് വിവരം അറിഞ്ഞ് സ്ഥലത്തെത്തിയ പോലീസ് രണ്ട് പേരെയും കസ്റ്റഡിയില് എടുക്കുകയുമായിരുന്നു.